പട്ടാപ്പകൽ ബാങ്ക് കൊള്ള !! പോട്ട ഫെഡറൽബാങ്ക് ശാഖയിൽ കത്തി കാട്ടി ഭീഷണിപ്പെടുത്തി അക്രമി പണം കവർന്നു ! 15 ലക്ഷം രൂപ നഷ്ടപ്പെട്ടതായി പ്രാഥമിക വിവരം

തൃശ്ശൂർ നഗരത്തെ നടുക്കി പട്ടാപ്പകൽ ബാങ്ക് കൊള്ള. ചാലക്കുടി പോട്ടയിലെ ഫെഡറൽ ബാങ്ക് ശാഖയിലാണ് കൊള്ള നടന്നത്. കൗണ്ടറിൽ എത്തിയ അക്രമി കത്തി കാട്ടി ഭീഷണിപ്പെടുത്തി ഗ്ലാസ് തല്ലി തകർത്ത ശേഷം പണം കവരുകയായിരുന്നു. സ്‌കൂട്ടറിൽ എത്തിയ അക്രമിയാണ് കവർച്ച നടത്തിയത്. നഷ്ടപ്പെട്ട പണത്തിന്റെ കണക്കെടുപ്പ് നടന്നുകൊണ്ടിരിക്കുകയാണ്. 15 ലക്ഷം രൂപ നഷ്ടപ്പെട്ടതായാണ് പ്രാഥമിക വിവരം.

തൃശ്ശൂർ ഭാഗത്തേക്കാണ് അക്രമി രക്ഷപ്പെട്ടതെന്ന് പോലീസ് വ്യക്തമാക്കി. പോലീസ് അന്വേഷണം ഊർജിതപ്പെടുത്തി. ഇന്ന് ഉച്ചയോട് കൂടിയാണ് സംഭവം നടന്നത്.

ബാങ്ക് ജീവനക്കാരെ കത്തി കാണിച്ച് ഭീഷണിപ്പെടുത്തി മുറിയിലാക്കി പൂട്ടിയതിന് ശേഷമാണ് അക്രമി കൗണ്ടർ തകർത്ത് പണം കവർന്നത്. എട്ട് ജീവനക്കാരാണ് ബാങ്കിലുണ്ടായിരുന്നത്. ഹെൽമറ്റും ജാക്കറ്റും മാസ്കും ധരിച്ച അക്രമി ബാങ്കിനകത്തേക്ക് കടക്കുന്നതും ജീവനക്കാരെ പൂട്ടിയിട്ട് ഓഫീസ് തകർത്ത് പണം കവരുന്നതുമടക്കമുള്ള സിസിടിവി ദൃശ്യങ്ങൾ പുറത്തുവന്നിട്ടുണ്ട്.