വേണം ജാഗ്രത !!രാജ്യത്തെ കോവിഡ് കേസുകൾ ആറായിരം കടന്നു; ഇരുപത്തിനാല് മണിക്കൂറിനിടെ ആറ് മരണങ്ങൾ

ദില്ലി : രാജ്യത്തെ കോവിഡ് കേസുകൾ ആറായിരം കടന്നു. ഇന്ന് രാവിലെ എട്ടുമണി വരെയുള്ള കണക്കനുസരിച്ച് 6,133 കോവിഡ് കേസുകൾ റിപ്പോർട്ട് ചെയ്തുവെന്ന് കേന്ദ്ര ആരോ​ഗ്യമന്ത്രാലയം വ്യക്തമാക്കി. കഴിഞ്ഞ ഇരുപത്തിനാല് മണിക്കൂറിനിടെ ആറ് മരണങ്ങളും റിപ്പോർട്ട് ചെയ്തിട്ടുണ്ട്. കർണാടകയിൽ രണ്ട് പേരും കേരളത്തിൽ മൂന്ന് പേരും തമിഴ്‌നാട്ടിൽ ഒരാളുമാണ് മരിച്ചത്.

കേരളത്തിൽ നിലവിൽ 1950 ആക്റ്റീവ് കേസുകളാണ് റിപ്പോർട്ട് ചെയ്തിരിക്കുന്നത്. ​രാജ്യത്ത് ഏറ്റവും കൂടുതൽ കേസുകൾ റിപ്പോർട്ട് ചെയ്തിരിക്കുന്നതും കേരളത്തിലാണ്. കേരളത്തെക്കൂടാതെ ഗുജറാത്ത്, പശ്ചിയബംഗാൾ, ദില്ലി, മഹാരാഷ്ട്ര, കർണാടക എന്നിവിടങ്ങളിലും കോവിഡ് കേസുകൾ കൂടുതലാണ്. ഒമിക്രോൺ വിഭാഗത്തിലെ ഒമിക്രോൺ ജെഎൻ. 1 വകഭേദമായ എൽഎഫ്. 7 ആണ് വ്യാപിക്കുന്നത്. ഭയപ്പെടേണ്ട വകഭേദമല്ലെങ്കിലും ശ്രദ്ധാപൂർവം നിരീക്ഷിക്കേണ്ട ഗണത്തിലാണ് ലോകാരോഗ്യ സംഘടന ഇതിനെ ഉൾപ്പെടുത്തിയിട്ടുള്ളത്.