നിലമ്പൂർ ജനവാസ മേഖലയില്‍ കരടിയിറങ്ങി; ഭീതിയോടെ നാട്ടുകാർ

മലപ്പുറം: നിലമ്പൂരില്‍ ജനവാസ മേഖലയില്‍ കരടിയിറങ്ങി. മൂത്തേടം നെല്ലിക്കുത്ത് വനമേഖലയേടു ചേര്‍ന്നുള്ള പ്രദേശത്താണ് കരടിയിറങ്ങിയത്. വനം വകുപ്പ് അധികൃതര്‍ സ്ഥലത്തെത്തി കരടിയെ പിടികൂടാനുള്ള ശ്രമങ്ങള്‍ പുരോമിക്കുന്നു.

കഴിഞ്ഞ ഒന്നരമാസമായി നിലമ്പൂർ മേഖലയില്‍ കരടിയുടെ സാനിദ്ധ്യം കണ്ടെത്തിയിരുന്നതായി നാട്ടുകാർ പറയുന്നു. വനം വകുപ്പിന്‍റെ സി.സി.ടി.വി കാമറയിലും കരടിയുടെ ദൃശ്യങ്ങള്‍ മുൻപ് പതിഞ്ഞിരുന്നു. പുലര്‍ച്ചെ റബ്ബര്‍ ടാപ്പിംഗിന് ഇറങ്ങുന്ന തൊഴിലാളികളായിരുന്നു കരടിയെ ആദ്യം കണ്ടിരുന്നത്. എന്നാല്‍ ഇന്ന് വൈകുന്നേരത്തോട് കൂടി കരടി ജനവാസമേഖലയിലേക്ക് ഇറങ്ങുകയായിരുന്നു. ഇതോടെ നാട്ടുകാർ പരിഭ്രാന്തിയിൽ ആയി ഇരിക്കുകയാണ്.