പ്രധാനമന്ത്രി നരേന്ദ്ര മോദിക്കു വേണ്ടി ബ്രഹ്മകലശം നടത്തിയ കാനഡ ഭക്‌തയുടെ വകയായി പിറന്നാൾ സമ്മാനവും

എഴുപത്തിയൊന്നാം പിറന്നാൾ ആഘോഷിച്ച രാജ്യത്തിന്റെ പ്രധാനമന്ത്രിയ്ക്ക് പിറന്നാൾ ഉപഹാരം നല്കാൻ അനന്തലക്ഷ്മി നായർ. പ്രധാനമന്ത്രിയുടെ വലിയൊരു ആരാധികയാണ് കാനഡയിൽ സ്ഥിരതാമസമാക്കിയ മലയാളിയായ അനന്തലക്ഷ്മി.

കോവിഡ് പ്രോട്ടോകോൾ പാലിച്ചു കൊണ്ട് നിലവിൽ ഉപഹാരം പ്രധാനമന്ത്രിയ്ക്ക് അയച്ചുകൊടുക്കാൻ കഴിഞ്ഞിട്ടില്ല എങ്കിലും വൈകാതെ അത് മോദിജിയുടെ കയ്യിൽ എത്തിക്കും എന്നാണ് ഇവർ പറയുന്നത്. ഈ നൂറ്റാണ്ടിലെ ശിവജി മഹാരാജ് എന്നാണ് ഇവർ പ്രധാനമന്ത്രി നരേന്ദ്രമോദിയെ സങ്കൽപ്പിക്കുന്നത്.

നേരത്തെ പ്രധാനമന്ത്രി നരേന്ദ്ര ദാമോദർദാസ് മോദിയുടെ ആയുരാരോഗ്യ സൗഖ്യത്തിനായി കാവാലം മാണിക്യമംഗലം ഭദ്രകാളീ ക്ഷേത്രത്തിൽ ബ്രഹ്മകലശം നടത്തിയിരുന്നു അനന്തലക്ഷ്മി നായർ.

ഭദ്രയേയും ദുർഗ്ഗയെയും ശ്രീചക്രത്തെയും ഒരേപോലെ ആരാധിക്കുന്ന ഈ ക്ഷേത്രത്തിലെ പുനഃ പ്രതിഷ്ഠാചടങ്ങുകളോടനുബന്ധിച്ചാണ് അനന്തലക്ഷ്മി നായർ തന്റെ സമർപ്പണമായി പ്രധാനമന്ത്രിക്ക് വേണ്ടി ബ്രഹ്മകലശം നടത്തിയത്. ഫെബ്രുവരി 17നാണ് പുനഃ പ്രതിഷ്ഠാചടങ്ങും ബ്രഹ്മകലശവും നടന്നത്. അന്ന് തത്വമയി ന്യൂസ് ഈ ചടങ്ങുകൾതത്സമയ സംപ്രേക്ഷണം ചെയ്തിരുന്നു.