ഗുജറാത്തിലെ തൂക്ക് പാലം തകർന്നുള്ള അപകടം; ബിജെപി എംപി മോഹൻഭായ് കല്യാൺജി കുന്ദരിയയുടെ കുടുംബത്തിലെ 12 പേർക്ക് ദാരുണാന്ത്യം

ഗുജറാത്ത് : മോർബി ജില്ലയിലുണ്ടായ തൂക്ക് പാലം തകർന്ന് വീണുണ്ടായ അപകടത്തിൽ ബിജെപി എംപി മോഹൻഭായ് കല്യാൺജി കുന്ദരിയയുടെ കുടുംബത്തിലെ 12 പേർക്ക് ദാരുണാന്ത്യം. ഞായറാഴ്ച്ച വൈകുന്നേരമാണ് ഗുജറാത്തിലെ മോർബി പാലം തകർന്നത്.

“അപകടത്തിൽ എനിക്ക് അഞ്ച് കുട്ടികൾ ഉൾപ്പെടെ എന്റെ കുടുംബത്തിലെ 12 അംഗങ്ങളെ നഷ്ടപ്പെട്ടു. എനിക്ക് എന്റെ സഹോദരിയുടെ കുടുംബത്തിൽ നിന്നുള്ള കുടുംബാംഗങ്ങളെയും നഷ്ടപ്പെട്ടു.” അദ്ദേഹം പറഞ്ഞു.എൻ ഡി ആർ എഫ് , എസ് ഡി ആർ എഫ് , രക്ഷാപ്രവർത്തനം തുടരുന്നു . മച്ചു നദിയിലുള്ളവരുടെ മൃതദേഹങ്ങൾ വീണ്ടെടുക്കാനുള്ള ശ്രമങ്ങൾ നടക്കുന്നു, രക്ഷാപ്രവർത്തന ബോട്ടുകളും സ്ഥലത്തുണ്ട്,” ബി.ജെ.പി. എംപി പറഞ്ഞു.

ഗുജറാത്തിലെ മോർബി നഗരത്തിലെ മച്ചു നദിയിലെ നൂറ്റാണ്ട് പഴക്കമുള്ള തൂക്കുപാലം തകർന്ന് 132 പേർ മരിച്ചു, കൂടുതലും സ്ത്രീകളും കുട്ടികളും. എൻഡിആർഎഫ്, ആർമി, എസ്ഡിആർഎഫ്, എന്നിവയുടെ അഞ്ച് ടീമുകൾ യുദ്ധകാലാടിസ്ഥാനത്തിൽ തിരച്ചിലും , രക്ഷാപ്രവർത്തനവും തുടരുന്നു .