“പറഞ്ഞാലത് നടപ്പാക്കാനുള്ള കരുത്തുണ്ട്” നാടെങ്ങും ആഹ്ളാദ പ്രകടനം നടത്തി ബി ജെ പി പ്രവര്‍ത്തകര്‍

ദില്ലി: ജമ്മു കശ്മീരിന് പ്രത്യേക പദവി നല്കുന്ന ഭരണഘടനയുടെ 370-ാം അനുച്ഛേദം റദ്ദാക്കിയ കേന്ദ്രസര്‍ക്കാര്‍ തീരുമാനത്തില്‍ സന്തോഷവുമായി, നാടെങ്ങും ബിജെപി പ്രവര്‍ത്തകര്‍ ആഘോഷം സംഘടിപ്പിച്ചു. മധുരപലഹാരങ്ങള്‍ വിതരണം ചെയ്തും ആഹ്‌ളാദ പ്രകടനം നടത്തിയുമാണ് പ്രവര്‍ത്തകര്‍ ആഘോഷം സംഘടിപ്പിച്ചത്.

ജമ്മു കശ്മീരിന് പ്രത്യേക പദവി നല്‍കുന്ന ആര്‍ട്ടിക്കിള്‍ 370 റദ്ദാക്കിയതിനു പിന്നാലെ ജമ്മു കശ്മീരിനെ രണ്ടായി വിഭജിക്കുന്ന ബില്‍ കേന്ദ്ര ആഭ്യന്തര മന്ത്രി അമിത് ഷായാണ് അവതരിപ്പിച്ചത്. ജമ്മു കശ്മീരെന്ന നിയമസഭയുള്ള കേന്ദ്ര ഭരണപ്രദേശവും ലഡാക്കെന്ന നിയമസഭയില്ലാത്ത കേന്ദ്ര ഭരണവുമായാണ് സംസ്ഥാനത്തെ വിഭജിക്കുന്നത്. ലഡാക്ക് നേരിട്ട് കേന്ദ്രത്തിന് കീഴിലായിരിക്കും.