മഹാരാഷ്ട്ര മന്ത്രിസഭ വികസനം ഇന്ന്; ആഭ്യന്തരവകുപ്പ് ഫഡ്നാവിസിന് തന്നെ ലഭിക്കുമെന്ന് സൂചന; 18 പേർ സത്യപ്രതിജ്ഞ ചെയ്യും

മുംബൈ: ഇന്ന് മഹാരാഷ്ട്രയിലെ മന്ത്രിസഭാ വികസനം. പുതിയ സർക്കാർ അധികാരത്തിലേറി 40 ദിവസങ്ങൾക്ക് ശേഷമാണ് മന്ത്രിസഭാ വികസനം നടക്കുന്നത്. നിലവിൽ മുഖ്യമന്ത്രി ഏകനാഥ് ശിൻഡെയും ഉപമുഖ്യമന്ത്രി ദേവേന്ദ്ര ഫഡ്നാവിസും മാത്രമാണ് മന്ത്രിസഭയിൽ ചേരുന്നത്.

ബിജെപിയിൽ നിന്നും ശിൻഡെ പക്ഷത്ത് നിന്നും 9 പേർ വീതം സത്യപ്രതിഞ്ജ ചെയ്യുമെന്നാണ് അറിവ്. ആഭ്യന്തരവകുപ്പ് ഫഡ്നാവിസിന് തന്നെ ലഭിക്കുമെന്നാണ് സൂചന. ഇന്ന് രാവിലെ 11 മണിയോടെ രാജ്ഭവനിൽ വച്ചാവും ചടങ്ങ് നടക്കുക. അജിത് പവാർ അടക്കമുള്ള പ്രതിപക്ഷ നേതാക്കളെയും കേന്ദ്രമന്ത്രിമാരെയും ചടങ്ങിന് ക്ഷണിച്ചിട്ടുണ്ട്. മന്ത്രിസഭ വികസനം സംബന്ധിച്ച ചർച്ചകൾക്കായി ഫഡ്നാവിസ് ഡൽഹിയിലെത്തി ബി.ജെ.പി നേതാക്കളെ കണ്ടിരുന്നു.