ചിങ്ങവനത്ത് എംസി റോഡിൽ വാഹനാപകടം; ലോറിയും പിക്കപ് വാനും കൂട്ടിയിടിച്ച് രണ്ടുപേർക്ക് ഗുരുതര പരുക്ക്

ചിങ്ങവനം: എംസി റോഡിൽ പുത്തൻപാലത്ത് ലോറിയും പിക്കപ് വാനും കൂട്ടിയിടിച്ച് അപകടം. എംസി റോഡിൽ പുത്തൻപാലത്ത് ലോറിയും പിക്കപ് വാനും കൂട്ടിയിടിച്ച് അപകടം. അപകടത്തിൽ രണ്ട് പേർക്ക് പരിക്കേറ്റു. പിക്കപ്പിലെത്തിയവർക്കാണ് പരിക്കേറ്റത്. നിലവിൽ പരിക്കേറ്റവരുടെ നില അതീവ ഗുരുതരമാണ്. ഇവരെ കോട്ടയം മെഡിക്കൽ കോളജ് ആശുപത്രിയില്‍ പ്രവേശിപ്പിച്ചിരിക്കുകയാണ്. കാവാലം അമ്പിളി ഭവനിൽ പൊന്നപ്പൻ (60), മരുമകൻ ജോമോൻ (45) എന്നിവർക്കാണ് പരുക്കേറ്റത്. ലോറി ഡ്രൈവർ അഭിലാഷിനെ പോലീസ് കസ്റ്റഡിയിലെടുത്തു.

ഇന്നലെ രാത്രി 11.45നാണ് അപകടം നടന്നത്. അപകടത്തിൽ ജോമോന്റെ രണ്ടു കാലും ഒടിഞ്ഞിട്ടുണ്ട്. ബോധം നഷ്ടപ്പെട്ട നിലയിലാണ് ആശുപത്രിയിലേക്ക് കൊണ്ടുപോയത്. പൊന്നപ്പന് തലയ്ക്കാണ് ഗുരുതര പരുക്ക്. അപകടത്തിൽ പിക്കപ് വാനിന്റെ മുൻഭാഗം പൂർണമായും തകർന്നു.

പാലക്കാട്ടേക്ക് പോവുകയായിരുന്ന ലോറിയാണ് അപകടമുണ്ടാക്കിയത്. സ്ഥലത്തെ കൺട്രോൾ റൂമിൽ നിന്ന് പോലീസ് സംഘമെത്തി അപകടത്തിൽ പെട്ടവരെ ആംബുലൻസിൽ കയറ്റിവിട്ടു.
കൺട്രോൾ റൂം സീനിയർ സിവിൽ പോലീസ് ഓഫിസർ അനീഷ്, സിവിൽ പോലീസ് ഓഫിസർ ഷമീർ എന്നിവർ സ്ഥലത്തെത്തി. ചിങ്ങവനം പോലീസ് സ്റ്റേഷനിൽ നിന്നുള്ള സംഘമെത്തി പരിശോധന നടത്തി.