ലഹരി വിൽപനയുമായി ബന്ധപ്പെട്ട തർക്കം കലാശിച്ചത് അക്രമത്തിൽ; ഞാണ്ടൂർകോണത്ത് സംഘർഷം; മൂന്നു പേർക്ക് വെട്ടേറ്റു, ഒരാളുടെ നില അതീവ ഗുരുതരം

തിരുവനന്തപുരം: ലഹരി വിൽപനയുമായി ബന്ധപ്പെട്ട് ഞാണ്ടൂർകോണത്ത് സംഘർഷം. മൂന്നു പേർക്ക് വെട്ടേറ്റു. അംബേദ്കർ നഗർ സ്വദേശികളായ രാഹുൽ, അഭിലാഷ്, രാജേഷ് എന്നിവർക്കാണ് വെട്ടേറ്റത്. കഴുത്തിലും കൈയിലും വെട്ടേറ്റ രാഹുലിന്റെ നില ​ഗുരുതരമാണ്. ഞാണ്ടൂർകോണം അംബേദ്കർ നഗർ കോളനിയിൽ ഞായറാഴ്ച രാത്രി 8.30 തോടെയാണ് സംഭവം.

അംബേദ്കർ നഗർ സ്വദേശികളായ പ്രമോദ്, പ്രശാന്ത്, ബെന്റൻ, കാള രാജേഷ് എന്നിവരാണ് ആക്രണം നടത്തിയതെന്നാണ് കഴക്കൂട്ടം പൊലീസ് പറയുന്നത്. പുറത്തു നിന്നുള്ളവർ ലഹരി വില്പനക്കായി രാത്രി കാലങ്ങളിൽ ഇവിടെയെത്തുന്നത് സംബന്ധിച്ച് തർക്കമുണ്ടായെന്നും ഇതാണ് സംഘർഷത്തിലേക്കും ആക്രമണത്തിലേക്കുമെത്തിയതെന്നാണ് പൊലീസിൽ നിന്നും ലഭിക്കുന്ന വിവരം.