സമരത്തെ തുടർന്ന് അടച്ചിട്ട കെ ആർ നാരായണൻ ഇൻസ്റ്റിറ്റ്യൂട്ടിൽ ഇന്ന് മുതൽ ക്ലാസുകൾ തുടങ്ങും ; നഷ്ടമായ ദിവസത്തെ ക്ലാസുകൾ ലഭ്യമാക്കാനുള്ള നടപടി ഉടൻ ഉണ്ടായേക്കും

വിവാദങ്ങൾ കാരണം അടച്ചിട്ട കെ.ആർ നാരായണൻ ഇൻസ്റ്റിറ്റ്യൂട്ടിൽ ക്ലാസുകൾ ഇന്ന് മുതൽ ആരംഭിക്കും. 50 ലധികം ദിവസമായി ഡയറക്ടറുടെ രാജി ആവശ്യപ്പെട്ട് വിദ്യാർത്ഥികൾ സമരം നടത്തുകയായിരുന്നു. ഇന്നലെയാണ് ഇവർ സമരം പിൻവലിച്ചത്. എന്നാൽ സംഭവത്തെ തുടർന്ന് ക്യാമ്പസിലെ അദ്ധ്യാപകർ കൂട്ടത്തോടെ രാജിവച്ചതുകൊണ്ട് ക്ലാസുകൾ നടക്കുന്ന കാര്യത്തിൽ ആശങ്കയിലാണ്.

ഡയറക്ടർ രാജിവെക്കുകയും തുടർന്ന് വിദ്യാർത്ഥികളുടെ മറ്റ് ആവശ്യങ്ങൾ സർക്കാർ അംഗീകരിച്ചതോടെയാണ് സമരം അവസാനിപ്പിച്ചത്. നഷ്ടമായ ദിവസത്തെ ക്ലാസുകൾ വിദ്യാർത്ഥികൾക്ക് ലഭ്യമാക്കാനുള്ള നടപടികളും ഉടൻ ഉണ്ടാവും.