സിഎജി: സിബിഐ അന്വേഷണം ആവശ്യപ്പെട്ട് പ്രതിപക്ഷം; പ്രതിപക്ഷ ആവശ്യം മുഖ്യമന്ത്രി തളളി

തിരുവനന്തപുരം: പൊലീസിന്റെ വെടിയുണ്ടകള്‍ കാണാതായതില്‍ സിബിഐ അന്വേഷണം ആവശ്യപ്പെട്ട് നിയമസഭയില്‍ പ്രതിപക്ഷ ബഹളം. നിയമസഭ തുടങ്ങിയപ്പോള്‍ സിബിഐ അന്വേഷണം ആവശ്യപ്പെട്ട് പ്രതിപക്ഷ അംഗങ്ങള്‍ ബാനറുകളുയര്‍ത്തി പ്രതിഷേധിച്ചു. എന്നാല്‍ പ്രതിപക്ഷ ആവശ്യം മുഖ്യമന്ത്രി തളളി.

ക്രൈംബ്രാഞ്ച് അന്വേഷണം തുടരുകയാണ്. കുറ്റവാളികളെ പുറത്തുകൊണ്ടുവരും. ഈ ഘട്ടത്തില്‍ മറ്റ് ഏജന്‍സികളുടെ അന്വേഷണം ആവശ്യമില്ലെന്ന് മുഖ്യമന്ത്രി നിയമസഭയെ അറിയിച്ചു. അറസ്റ്റിലായ പൊലീസ് ഉദ്യോഗസഥനടക്കം 11 പേര്‍ക്കെതിരെ വകുപ്പുതല അന്വേഷണവുമുണ്ട്. പൊലീസിന്റെ തോക്കുകള്‍ നഷ്ടമായിട്ടില്ല. ഇതുസംബന്ധിച്ച സിഎജി റിപ്പോര്‍ട്ടിലെ ആരോപണം അടിസ്ഥാനമില്ലാത്തതാണ്. വെടിയുണ്ട നഷ്ടപ്പെട്ടത് യുഡിഎഫ് കാലത്ത് മൂടി വച്ചെന്നും മുഖ്യമന്ത്രി ആരോപിച്ചു.