കോവിഡ് ; കഴിഞ്ഞ രണ്ടാഴ്ച്ചക്കുള്ളിൽ അന്താരാഷ്ട്ര യാത്രികരിൽ 124 കോവിഡ് പോസിറ്റിവ് ബാധിതർ, വിമാനത്താവളങ്ങളിൽ പരിശോധന ശക്തമാക്കി ആരോഗ്യമന്ത്രാലയം

കോവിഡ് വ്യാപന സാഹചര്യത്തിൽ രാജ്യത്തെ കോവിഡ് പ്രതിരോധ നടപടികൾ ഫലപ്രദമെന്ന് വിലയിരുത്തൽ. കഴിഞ്ഞ കുറച്ച ദിവസങ്ങൾക്കുള്ളിൽ 11 ഒമിക്രോൺ ബാധിതരെയാണ് രാജ്യത്ത് തിരിച്ചറിഞ്ഞത്. അന്താരാഷ്ട്ര യാത്രികരിൽ 124 കൊവിഡ് പോസിറ്റിവ് ബാധിതരെയാണ് കണ്ടെത്തിയത്. 40 സാമ്പിളുകൾ പരിശോധിച്ചപ്പോൾ അതിൽ 11 പേർക്കാണ് ഒമിക്രോണിന്റെ ഉപവകഭേഭം സ്ഥിതികരിച്ചത്.

എന്നാൽ ചൈനയിൽ പടരുന്ന ഒമിക്രോൺ ഉപവകഭേദം ബി എഫ് .സെവൻ ഇന്ത്യയിൽ നാലുപേർക്ക് കൂടി സ്ഥിരീകരിച്ചു. യുഎസിൽ നിന്ന് എത്തിയവർക്കാണ് കോവിഡ് സ്ഥിരീകരിച്ചത്. ജീനോം സിക്വെൻസിങ് പരിശോധനയിൽ ബി എഫ് .സെവൻ സ്ഥിരീകരിച്ചതായി സംസ്ഥാന ആരോഗ്യ വകുപ്പ് അറിയിച്ചു. നാല് പേരുടെയും ആരോഗ്യനില തൃപ്തികരമാണെന്നാണ് അറിയിച്ചിരിക്കുന്നത്. ഇതും കൂട്ടി 9 പേർക്ക് രാജ്യത്ത് ബി എഫ് .സെവൻ സ്ഥിരീകരിച്ചു. കോവിഡ് കേസുകൾ വർദ്ധിക്കാൻ സാധ്യതയുള്ളതിന്റെ അടിസ്ഥാനത്തിൽ വിമാനത്താവളങ്ങളിൽ പരിശോധന ശക്തമാക്കിയുട്ടുണ്ടെന്ന് ആരോഗ്യമന്ത്രാലയം അറിയിച്ചു.