പൊലീസിന് വേഗം പോര, പ്രതിഷേധങ്ങളെ അടിച്ചമർത്താൻ പാർട്ടി ഗുണ്ടകൾ, ബിജെപി നേതാവ് എൻ ഹരിയുടെ കുറിപ്പ് വൈറലാകുന്നു

ജനകീയ സമരങ്ങളെ പാർട്ടി ഗുണ്ടകളെ ഉപയോഗിച്ച് നേരിടുന്ന സർക്കാർ ശൈലിക്കെതിരെ പ്രതിഷേധം പുകയുന്നു. ചാനൽ ചർച്ചകളിൽ പങ്കെടുക്കുന്നവരെപ്പോലും കയ്യേറ്റം ചെയ്യുകയും സമാധാനപരമായി സമരം ചെയ്യുന്നവരെ പോലീസ് ക്രൂരമായി മർദ്ദിക്കുകയും ബൂട്ടിട്ട് ചവിട്ടുകയും ചെയ്യുന്ന അസാധാരണ സംഭവങ്ങളുടെ വേദിയാവുകയാണ് സംസ്ഥാനം. നന്ദിഗ്രാമിന് സമാനമായ രീതിയിലാണ് സിപിഎം കേരളത്തിൽ കെ റെയിൽ സമർത്തെ കാണുന്നത്. പൊലീസിന് വേഗം പോരാത്തതിന്റെ പേരിൽ ഇപ്പോൾ സമരക്കാരെ ഒതുക്കാൻ പാർട്ടി ഗുണ്ടകളെയും ഒരുക്കിയിറക്കിയിരിക്കുകയാണ് സിപിഎം എന്ന് ബിജെപി സെൻട്രൽ സോൺ പ്രസിഡന്റ് എൻ ഹരി. “ഇപ്പോൾ പോലീസിന് സ്പീഡ് പോര അതാ ഞങ്ങൾ ഇറങ്ങിയത്. കേരളം ഭരിക്കുന്നത് CPI (M) ആണ് ആ ഓർമ വേണം”. അദ്ദേഹം ഫേസ്ബുക്കിൽ കുറിച്ചു.

 

അദ്ദേഹത്തിന്റെ ഫേസ്ബുക്ക് പോസ്റ്റിന്റെ പൂർണ്ണരൂപം,

 

ചാനൽ ചർച്ചയിൽ പിണറായി വിജയനെതിരെ പറഞ്ഞാൽ സ്റ്റുഡിയോയിൽ ചർച്ചയിൽ തന്നെ തല്ലും.

 

പൊതുയോഗത്തിൽ പിണറായിക്കെതിരെ പ്രസംഗിക്കാൻ പാടില്ല,

പോലിസ് നോക്കി നിന്നാൽ മതി, എതിരായി നിന്നാൽ സ്ത്രീകളേയും കുട്ടികളേയും പോലും വെറുതെ വിടില്ല, ബൂട്ടിട്ടും ചവിട്ടും.

 

അടുക്കളയിൽ കുറ്റി നാട്ടും.

 

ഇപ്പോൾ പോലീസിന് സ്പീഡ് പോര അതാ ഞങ്ങൾ ഇറങ്ങിയത്. കേരളം ഭരിക്കുന്നത് CPI (M) ആണ് ആ ഓർമ വേണം.

 

ബംഗാൾ മോഡൽ എന്ത് ?

ഇത് No 1 കേരള മോഡൽ.

 

NB:സംരക്ഷണം തീവ്രവാദികൾക്കും അക്രമികൾക്കും മാത്രം…