ആരോഗ്യപ്രവർത്തകർക്കെതിരായ ആക്രമണം ;സംസ്ഥാനത്ത് ഇന്ന് ഡോക്ടർമാർ സമരത്തിൽ,ഐപി, ഒപി പ്രവർത്തിക്കില്ല

തിരുവനന്തപുരം: ആരോഗ്യപ്രവർത്തകർക്കെതിരായ ആക്രമണങ്ങളിൽ പ്രതിഷേധിച്ച് ഐഎംഎയുടെ നേതൃത്വത്തിൽ സംസ്ഥാനത്ത് ഇന്ന് ഡോക്ടർമാർ സമരത്തിൽ. രാവിലെ ആറ് മുതൽ വൈകീട്ട് ആറ് വരെയാണ് സമരം.കെജിഎംഒഎ ഉൾപ്പടെ 30ഓളം ഡോക്ടർമാരുടെ സംഘടനകളും പണിമുടക്കിന് പിന്തുണ പ്രഖ്യാപിച്ചിട്ടുണ്ട്. അത്യാഹിത വിഭാഗവും അടിയന്തിര ശസ്ത്രക്രിയകളും ഒഴികെയുള്ള ദൈനംദിന പ്രവർത്തനങ്ങളിൽ നിന്നും ഡോക്ടർമാർ വിട്ടു നിൽക്കുമെന്ന് സമരസമിതി അറിയിച്ചിട്ടുണ്ട്.

ഇതോടെ സർക്കാർ, സ്വകാര്യ ആശുപത്രികളുടെ പ്രവർത്തനം പകൽ സമയത്ത് സ്തംഭിക്കും.സമരത്തിന് നാൽപ്പതോളം സംഘടനകളുടെ പിന്തുണ ഉണ്ടെന്നാണ് സമരസമിതി അവകാശപ്പെടുന്നത്. 10.30ന് തിരുവനന്തപുരത്തെ ഇന്ത്യൻ മെഡിക്കൽ അസോസിയേഷൻ ആസ്ഥാനത്തും ജില്ലാ കേന്ദ്രങ്ങളിലും ഡോക്ടർമാർ ധർണ നടത്തുമെന്ന് സമരസമിതി അറിയിച്ചു.