കൊച്ചിയിലെ കുടിവെള്ള പ്രശ്നം ; പരിഹാരമാവാതെ ജനങ്ങൾ കഷ്ടതയിൽ, ജലവിതരണം നാളെ പുനസ്ഥാപിക്കുമെന്ന് ജല അതോരിറ്റി

കൊച്ചി : കൊച്ചിയിലെ കുടിവെള്ള ക്ഷാമത്തിന് ഇനിയും പരിഹാരമായിട്ടില്ല . നാളെ വൈകിട്ട് ജലവിതരണം പുനസ്ഥാപിക്കുമെന്നാണ് ജല അതോറിറ്റി വ്യക്തമാക്കിയത് . പാഴൂർ പമ്പ് ഹൗസിൽ നാളെ ട്രയൽ റണ്‍ നടത്തുമെന്ന് അറിയിച്ചിട്ടുണ്ട്.

കഴിഞ്ഞ ഒരു മാസമായി കൊച്ചിയിലെ ജനങ്ങൾ കുടിവെള്ള പ്രശ്നത്തിൽ കഷ്ടതയിലാണ്. കുടിവെള്ള വിതരണം പൂര്‍ണമായും പുനസ്ഥാപിക്കാതെ നീളുകയാണ്. നാളെകൂടി പ്രതീക്ഷ വയ്ക്കണമെന്നാണ് ജല അതോരിറ്റി അറിയിച്ചിരിക്കുന്നത് . ട്രയൽ റണ്‍ തകരാറിലായ രണ്ട് പമ്പ് സെറ്റുകളിൽ ഒന്നിന്‍റെ തകരാർ പരിഹരിച്ച് എത്തിച്ചെങ്കിലും ഇത് ഇറക്കി സ്ഥാപിച്ച് പമ്പിംഗ് പരിശോധിക്കുകയാണ് അടുത്ത കടമ്പ. ഏഴ് ലക്ഷത്തിലധികം ലിറ്റർ വെള്ളമാണ് ടാങ്കറുകളിൽ വിതരണം ചെയ്യുന്നത്. ഉൾപ്രദേശങ്ങളിൽ താമസിക്കുന്നവർക്ക് വെള്ളമെത്തിക്കാൻ ബുദ്ധിമുട്ടാണ്.