നഷ്ടപരിഹാരം നൽകുന്നതിൽ പോലും സർക്കാർ മതം നോക്കുന്നു ; രാജസ്ഥാനിൽ കോൺഗ്രസ് സർക്കാർ നടത്തുന്ന ദുർഭരണത്തിന് പകരം വീട്ടാനുള്ള അവസരമാണ് തെരഞ്ഞെടുപ്പെന്ന് യോഗി ആദിത്യനാഥ്

ജയ്പൂർ: രാജസ്ഥാനിൽ കോൺഗ്രസ് സർക്കാർ നടത്തുന്ന ദുർഭരണത്തിന് പകരം വീട്ടാനുള്ള അവസരമാണ് വരുന്ന തെരഞ്ഞെടുപ്പെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. രാജസ്ഥാനിൽ നടക്കുന്നത് വെറും ഒരു തെരഞ്ഞെടുപ്പ് അല്ല, സംസ്ഥാനത്തിന്റെയും രാജ്യത്തിന്റെയും ഭാവി നിർണയിക്കുന്ന ഒന്നാണ്. കഴിഞ്ഞ 5 വർഷമായി രാജസ്ഥാനിൽ കോൺഗ്രസ് നടത്തിയ അഴിമതിക്ക് പകരം വീട്ടാനുള്ള സമയമാണിതെന്നും യോഗി ആദിത്യനാഥ് വ്യക്തമാക്കി.

രാജസ്ഥാനിലെ ജലോറിൽ നടന്ന തെരഞ്ഞെടുപ്പ് റാലിയിൽ സംസാരിക്കുകയായിരുന്നു യോഗി ആദിത്യനാഥ്‌. ജിഹാദികളുടെ ക്രൂരതയിൽ മരണപ്പെട്ട കനയ്യ ലാലിന്റെ കുടുംബത്തിന് 5 ലക്ഷം മാത്രമാണ് സർക്കാർ നഷ്ടപരിഹാരം നൽകിയത്. എന്നാൽ ഹിന്ദു അല്ലാത്ത ഒരാൾ മോട്ടോർ സൈക്കിൾ ഇടിച്ച് മരിച്ചാൽ അവർക്ക് നൽകുന്നത് 20 ലക്ഷമാണ്. നഷ്ടപരിഹാരം നൽകുന്നതിൽ പോലും സർക്കാർ മതം നോക്കുകയാണെന്ന് യോഗി ആദിത്യനാഥ്‌ ആരോപിച്ചു.