കടുവയുടെ ആക്രമണത്തിൽ കർഷകൻ മരിച്ച സംഭവം ; വയനാട് മെഡി.കോളജിൽ മികച്ച ചികിത്സ കിട്ടിയില്ല, മന്ത്രി കെ.കൃഷ്ണൻ കുട്ടിക്ക് മുന്നിൽ പൊട്ടിക്കരഞ്ഞ് കർഷകന്റെ മകൾ സോന ,ജില്ലാ ആശുപത്രിയെ മെഡിക്കൽ കോളജായി ഉയർത്തിയിട്ടും ആരോഗ്യ കേരളത്തിന്റെ ഗതി ഇതാണ്

വയനാട് : ആരോഗ്യ കേരളം സന്തുഷ്ട കേരളമെന്നൊക്കെ നാഴികയ്ക്ക് നാല്പത് വട്ടം പറയുമ്പോഴും ഇപ്പോഴും നല്ല ചികിത്സാ സംവിധാനങ്ങൾ കേരളത്തിൽ ഇല്ല .അസുഖത്തിന്റെ മൂർദ്ധന്യാവസ്ഥ കൊണ്ട് മാത്രമല്ല കേരളത്തിൽ ആളുകൾ മരണപ്പെടുന്നത്.നല്ല ചികിത്സ കിട്ടാതെയും മരണപ്പെടുന്നവരുടെ എണ്ണം കൂടുതലാണ്.ജനരോഷമോ പ്രതിഷേധമോ ഉണ്ടാവുമ്പോൾ മാത്രം അധികൃതർ കാണിക്കുന്ന ചൂട് പിന്നീട് ഉണ്ടാവുന്നില്ല.കടുവ ആക്രമണത്തിൽ കർഷകൻ മരിച്ച സംഭവത്തിൽ ആശുപത്രി അധികൃതർക്ക് വീഴ്ച പറ്റിയതായാണ് കർഷകന്റെ കുടുംബം ആരോപിക്കുന്നത്.

തോമസിന് ചികിത്സ നൽകിയില്ലെന്ന പരാതിയുമായി മകൾ സോന മന്ത്രി കെ.കൃഷ്ണൻ കുട്ടിക്ക് മുന്നിൽ പൊട്ടിക്കരഞ്ഞു.മെഡിക്കൽ കോളജ് ആശുപത്രിയിൽ നല്ല ഡോക്ടറോ നഴ്സോ ഉണ്ടായിരുന്നില്ല. മികച്ച ചികിൽസ കിട്ടിയില്ല. ആംബുലൻസ് അനുവദിച്ചതിലും വീഴ്ചയുണ്ടെന്നും കുടുംബം ആരോപിച്ചു.
വയനാട് ജില്ലാ ആശുപത്രിയെ മെഡിക്കൽ കോളജായി ഉയർത്തിയെങ്കിലും മതിയായ സൗകര്യമില്ലെന്ന ആക്ഷേപം ശക്തമാണ്. ജില്ലാ കോൺഗ്രസ് കമ്മിറ്റി ഇന്ന് മെഡിക്കൽ കോളജിലേക്ക് പ്രതിഷേധ മാർച്ച് നടത്തും.