ലേവർ കപ്പ് ; ഫെഡറർ നദാൽ കൂട്ടുക്കെട്ടിന് തോൽവി ;ടെന്നീസിനോട് വിട പറഞ്ഞ് റോജർ ഫെഡറർ

ലണ്ടൻ : ലേവർ കപ്പിലെ തന്റെ അവസാന മത്സരത്തോടെ ടെന്നീസിനോട് വിട പറഞ്ഞ് റോജർ ഫെഡറർ. സ്വിസ് മാസ്‌ട്രോ റോജർ ഫെഡറർ തന്റെ കരിയറിനെ “എല്ലാം തികഞ്ഞ ഒരു യാത്ര” എന്ന് വിശേഷിപ്പിച്ചു.

ലണ്ടനിലെ O2 അരീനയിൽ നടന്ന ഡബിൾസ് ഇനത്തിൽ ദീർഘകാല ഓൺ-കോർട്ട് എതിരാളി റാഫേൽ നദാലിനൊപ്പം ഫെഡറർ തന്റെ അവസാന മത്സരം കളിച്ചു. ടീം യൂറോപ്പിനെ പ്രതിനിധീകരിച്ച്, ‘ഫെഡൽ’ എന്ന് വിളിക്കപ്പെടുന്ന ഇരുവരും, വെള്ളിയാഴ്ച്ച 6-4, 6(2)-7, 9-11 എന്ന സ്കോറിന് ടീം വേൾഡിന്റെ ജാക്ക് സോക്കിനോടും ഫ്രാൻസിസ് ടിയാഫോയോടും പരാജയപ്പെട്ടു.

എന്നിരുന്നാലും, ടെന്നീസിൽ ഏറ്റവും മികച്ച കളിക്കാരിൽ ഒരാളുടെ വിരമിക്കലിനെക്കുറിച്ചുള്ള അവസരമായതിനാൽ ഫലം കാര്യമാക്കിയില്ല. ഫെഡററെ സംബന്ധിച്ചിടത്തോളം ഇത് തീർച്ചയായും ഒരു അത്ഭുതകരമായ ദിവസമായിരുന്നു.

“ഇതൊരു മികച്ച യാത്രയാണ്,” ഫെഡറർ തന്റെ ഓൺ-കോർട്ട് അഭിമുഖത്തിൽ പറഞ്ഞു.

കൂടാതെ നദാലിനൊപ്പം തന്റെ അവസാന മത്സരം കളിച്ചതിൽ സന്തോഷവും അദ്ദേഹം പ്രകടിപ്പിച്ചു.