bail-for-pc-george
തിരുവനന്തപുരം: ഫോര്‍ട്ട് പോലീസ് കൊച്ചിയില്‍ അറസ്റ്റുചെയ്ത പി.സി.ജോര്‍ജിനെ ബുധനാഴ്ച അര്‍ധരാത്രിയില്‍ പോലീസ് തിരുവനന്തപുരത്ത് എത്തിച്ചു. പത്തുമണിയോടെയാണ് ജോര്‍ജിനെയും കൊണ്ടുള്ള പോലീസ് സംഘം തിരുവനന്തപുരത്തേക്ക് തിരിച്ചത്. രണ്ടരമണിക്കൂര്‍കൊണ്ട് തലസ്ഥാനത്ത് എത്തി. അമിതവേഗതയിലാണ് പിസി യെയും കൊണ്ട് പോലീസ് വാഹനങ്ങൾ കൊച്ചിയിൽ നിന്ന് തിരുവനന്തപുരത്തേക്ക് പാഞ്ഞത്. സാധാരണനിലയിൽ നാലര മണിക്കൂറിലധികം എടുക്കുന്ന യാത്രയാണ് പോലീസ് രണ്ടര മണിക്കൂറുകൾകൊണ്ട് പൂർത്തിയാക്കിയത്. ആദ്യം നന്ദാവനം എ.ആര്.ക്യാമ്പിലേക്കാണ് കൊണ്ടുപോയത്. വ്യാഴാഴ്ച രാവിലെ ഏഴ് മണിയോടെ മജിസ്ട്രേറ്റിനുമുന്നില്‍ ഹാജരാക്കുമെന്ന് പോലീസ് അറിയിച്ചു. ഇതിനിടയിൽ മംഗലപുരത്ത് പോലീസ് വാഹനം തട്ടി ഒരാള്‍ക്ക് പരിക്കേറ്റു. ചന്തവിള സ്വദേശി മുഹമ്മദ് ബഷീറിനാണ് പരിക്കേറ്റത്. രാത്രി 12.15 ഓടെയാണ് സംഭവം. ഇദ്ദേഹത്തിന്റെ പരിക്ക് ഗുരുതരമല്ല. പരിക്കേറ്റയാളെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. റോഡ് മുറിച്ചുകടന്നപ്പോള്‍ മുഹമ്മദിനെ വാഹനമിടിക്കുകയായിരുന്നെന്ന് പോലീസ് പറഞ്ഞു.
തിരുവനന്തപുരം നന്ദാവനം എ.ആര്.ക്യാമ്പ്, ആറ്റിങ്ങല്‍ ടൗണ്‍, നാവായിക്കുളം, മംഗലപുരം, അമ്പലപ്പുഴ മേഖലകളില്‍ ബി.ജെ.പി.യുടെ പ്രതിഷേധമുണ്ടാകുമെന്ന റിപ്പോര്‍ട്ടിനെത്തുടര്‍ന്ന് കനത്ത സുരക്ഷയാണ് ഏര്‍പ്പെടുത്തിയിരുന്നത്. ഇവിടങ്ങളില്‍ ബി.ജെ.പി. ജില്ലാ കമ്മിറ്റിയുടെ നേതൃത്വത്തില്‍ ജോര്‍ജിനെ അഭിവാദ്യമര്‍പ്പിച്ച് ബിജെ.പി. പ്രവര്‍ത്തകര്‍ ഒത്തുകൂടി. 12 മണിയോടെ എ.ആര്.ക്യാമ്പിനു മുന്നില്‍ ഐ.എന്‍.എല്‍. പ്രവര്‍ത്തകര്‍ എത്തിയത് തര്‍ക്കത്തിന് ഇടയാക്കി. കഴക്കൂട്ടം അസി. കമ്മിഷണറുടെ നേതൃത്വത്തില്‍ പ്രതിഷേധക്കാരെ അറസ്റ്റുചെയ്ത് നീക്കി. ഇരുപതോളം പ്രവര്‍ത്തകരെയാണ് പോലീസ് നീക്കിയത്. അതിവേഗത്തിലാണ് പി.സി.ജോര്‍ജുമായുള്ള വാഹനമെത്തിയതെന്ന് ബി.ജെ.പി. ജില്ലാ പ്രസിഡന്റ് വി.വി.രാജേഷ് ആരോപിച്ചു. എ.ആര്. ക്യാമ്പിനുമുന്നില്‍ സുരക്ഷയ്ക്കായി വിന്യസിച്ചത് നൂറിലധികം പോലീസുകാരെ. ഇവിടെക്കൂടിയ ബി.ജെ.പി. പ്രവര്‍ത്തകര്‍ മുദ്രാവാക്യം വിളിച്ച് പി.സി.ജോര്‍ജിന് അഭിവാദ്യമര്‍പ്പിച്ചു. ഇതിനിടയിൽ പ്രവർത്തകരും പോലീസുമായി കൈയാങ്കളിയുമുണ്ടായി. ബിജെപി പ്രവർത്തകർ പുഷ്പവൃഷ്ടിനടത്തിയും അഭിവാദ്യമര്‍പ്പിച്ചും ജോര്‍ജിനെ സ്വീകരിച്ചു. ജോര്‍ജിന്റെ വണ്ടിക്ക് മുന്നിലേക്ക് ബി.ജെ.പി. പ്രവര്‍ത്തകര്‍ അഭിവാദ്യമര്‍പ്പിച്ച് മുന്നോട്ടുചാടി. വളരെ ശ്രമകരമായാണ് പോലീസ് ജോര്‍ജിന്റെ വാഹനം ക്യാമ്പിലേക്ക് കടത്തിവിട്ടത്. പിന്നീട് പ്രവര്‍ത്തകര്‍ ക്യാമ്പിനു മുന്നില്‍ കുത്തിയിരുന്ന് പ്രതിഷേധിച്ചു.
ജോർദാനിലെ കറാക്ക് പ്രവിശ്യയിലെ ഓർത്തഡോക്സ് പള്ളിയിലുണ്ടായ ആക്രമണം ഒരു ഒറ്റപ്പെട്ട സാമുദായിക കലാപമല്ല, മറിച്ച് രാജ്യത്തെ സുസ്ഥിരതയെ ലക്ഷ്യം വെച്ചുള്ള…
ശിവഗിരി മഠം ട്രസ്റ്റ് അംഗമായി തിരഞ്ഞെടുക്കപ്പെട്ട ആലുവ അദ്വൈതാശ്രമം സെക്രട്ടറി സ്വാമി ധർമ്മ ചൈതന്യയെ സന്ദർശിച്ച് രാഷ്ട്രീയ സ്വയംസേവക സംഘം…
പാകിസ്ഥാനിലെ ഭീകരസംഘടനകളുടെ താവളങ്ങളിൽ വീണ്ടും ആശങ്ക പടർത്തി മുതിർന്ന ലഷ്കർ-ഇ-ത്വയ്യിബ കമാൻഡർ ഹമീദുള്ള ഭട്ടിയുടെ മരണവാർത്ത. ലഷ്കർ തലവൻ ഹാഫിസ്…
നിയുക്ത ശബരിമല മേൽശാന്തി അരീക്കര സുബ്രഹ്മണ്യൻ ശങ്കരൻ നമ്പൂതിരിയെ കേരള ക്ഷേത്ര സംരക്ഷണ സമിതി തിരുവനന്തപുരം താലൂക്ക് കമ്മിറ്റിയുടെ നേതൃത്വത്തിൽ…
ആചാര്യകുലം ദുബായ് വര്ഷം തോറും നടത്തിവരുന്ന മഹാസരസ്വതി യജ്ഞം, ഇത്തവണയും ആഘോഷിച്ചു. ദുബായ്, അൽ ഖിസൈസ് മായാമണി ഹാളിൽ, രാവിലെ…
ട്രെയിൻ യാത്രയ്ക്കിടെ മൊബൈൽ ഫോണിൽ ഉച്ചത്തിൽ പാട്ടുകൾ കേൾക്കുന്നതും വീഡിയോകൾ കാണുന്നതും മറ്റ് യാത്രക്കാർക്ക് ബുദ്ധിമുട്ടുണ്ടാക്കുന്ന രീതിയിൽ ഫോണിൽ സംസാരിക്കുന്നതും…