ഉടുമ്പൻചോലയിൽ നാല് വയസ്സുകാരി മുങ്ങി മരിച്ചു; അപകടം കളിക്കുന്നതിനിടെ പഞ്ചായത്ത് കുളത്തിൽ കാൽവഴുതി വീണ്

ഇടുക്കി: ഉടുമ്പൻചോലയിൽ നാല് വയസ്സുകാരി മുങ്ങി മരിച്ചു. പഞ്ചായത്ത് കുളത്തിൽ വീണ് മരിച്ച നിലയിലാണ് കുട്ടിയെ കണ്ടെത്തിയത്. വെള്ളറക്കംപാറ കോളനിയിൽ പരേതനായ പരമശിവം – വീരലക്ഷ്മി ദമ്പതികളുടെ മകൾ ധരണിയാണ് മരിച്ചത്.

കഴിഞ്ഞ ദിവസം രാത്രിയോടെയായിരുന്നു സംഭവം. കുളത്തിന്റെ സൈഡിൽ കൂടി കളിച്ചു കൊണ്ട് പോകെ
കുട്ടി കാൽവഴുതി കുളത്തിൽ വീണതാണെന്നാണ് പ്രാഥമിക നിഗമനം.

ഉടുമ്പൻചോലയിലെ പഞ്ചായത്ത് കുളത്തിന് സംരക്ഷണ വേലിയില്ലായിരുന്നു. ഇതാണ് അപകട കാരണം. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.