മനസ് കീഴടക്കി ഗോവ ഗവർണർ പി എസ് ശ്രീധരൻപിള്ള !രാജ്ഭവനിലെ സ്വാതന്ത്ര്യദിന ആഘോഷങ്ങൾ ലളിതമാക്കി; തുക വയനാട് ദുരിതാശ്വാസ നിധിയിലേക്ക് നൽകും

വയനാട് ദുരന്തത്തിന്റെ പശ്ചാത്തലത്തിൽ സ്വാതന്ത്ര്യ ദിനാഘോഷവുമായി ബന്ധപ്പെട്ട് ഓഗസ്റ്റ് 15ന് ഗോവ രാജ്ഭവൻ ദർബാർ ഹാളിൽ നടത്താനിരുന്ന അറ്റ് ഹോം പരിപാടിയും അതിനോട് അനുബന്ധിച്ച് ആഘോഷങ്ങളും ലളിതമാക്കാൻ ഗോവ ഗവർണർ പി എസ് ശ്രീധരൻപിള്ള തീരുമാനിച്ചു. അതിൽ നിന്നും ലഭിക്കുന്ന 6 ലക്ഷം രൂപ, കേരള മുഖ്യമന്ത്രിയുടെ വയനാട് ദുരിതാശ്വാസ ഫണ്ടിലേക്ക് നൽകുവാനാണ് തീരുമാനം.

ഇതിനൊപ്പം ഗവർണറുടെ വ്യക്തിനിഷ്ട ഫണ്ടിൽ നിന്നും ഒരു ലക്ഷം രൂപ മുഖ്യമന്ത്രിയുടെ ദുരിതാശ്വാസ ഫണ്ടിലേക്കും ഒരു ലക്ഷം രൂപ വയനാട് ദുരന്ത ഭൂമിയിൽ സേവനം പ്രവർത്തനം നടത്തുന്ന സേവാഭാരതിയുടെ ഫണ്ടിലേക്കും നൽകുമെന്ന് ഗവർണർ അറിയിച്ചു