കേന്ദ്രം പറഞ്ഞു അവസാനം അനുസരിച്ചു !സർക്കാർ ആശുപത്രികൾ ഇനി മുതൽ ആയുഷ്‌മാൻ ആരോഗ്യമന്ദിർ ! പേര് മാറ്റാനാകാറില്ലെന്ന നിലപാട് മാറ്റി ആരോഗ്യവകുപ്പ്

സർക്കാർ ആശുപത്രികളുടെ പേര് ‘ആയുഷ്മാൻ ആരോഗ്യ മന്ദിർ’ എന്നാക്കണമെന്ന കേന്ദ്രനിർദേശം ഒടുവിൽ അനുസരിക്കാനൊരുങ്ങി സംസ്ഥാന സർക്കാർ. ആയുഷ്‌മാൻ ഭാരത് ഹെൽത്ത് ആൻഡ് വെൽനെസ് സെന്ററുകളുടെ പേര് ആയുഷ്‌മാൻ ആരോഗ്യ മന്ദിർ എന്നാക്കി മാറ്റാൻ സർക്കാർ ഉത്തരവിറക്കി.നേരത്തെ എന്തു വന്നാലും പേരു മാറ്റില്ലെന്നായിരുന്നു സംസ്ഥാനത്തിന്റെ നിലപാട്. എന്നാൽ പേര് മാറ്റാതിരുന്നതോടെ NHM ഫണ്ട് ലഭിക്കുന്നത് തടസപ്പെടുമെന്നായതോടെയാണ് സംസ്ഥാനം നിലപാട് മാറ്റിയത്.

സബ് സെന്ററുകൾ (ജനകീയ ആരോഗ്യ കേന്ദ്രം), ഫാമിലി ഹെൽത്ത് സെന്റർ, പ്രാഥമിക ആരോഗ്യകേന്ദ്രം (പിഎച്ച്സി), അർബൻ ഫാമിലി ഹെൽത്ത് സെന്റർ (യുപിഎച്ച്‌സി), അർബൻ പബ്ലിക് ഹെൽത്ത് സെന്റേഴ്സ് എന്നിവയുടെ പേരാണ് ആയുഷ്മാന്‍ ആരോഗ്യ മന്ദിർ എന്നു മാറ്റുന്നത്. മലയാളത്തിലും ഇംഗ്ലീഷിലും ബോർഡിൽ പേര് എഴുതണം. കേരള സർക്കാരിന്റെയും ആരോഗ്യവകുപ്പിന്റെയും ദേശീയ ആരോഗ്യ മിഷന്റെയും ആർദ്രം മിഷന്റെയും ലോഗോ ബോർഡിൽ ഉണ്ടായിരിക്കും. ‘ആയുഷ്മാൻ ആരോഗ്യമന്ദിർ’ എന്ന പേരിനൊപ്പം ‘ആരോഗ്യം പരമം ധനം’ എന്ന ടാഗ് ലൈനും ഉൾപ്പെടുത്തണം.