സർക്കാർ ഉദ്യോഗസ്ഥർ വ്യാജ പേരുകളിൽ ക്ലാസ് എടുക്കുന്നു!;കണ്ണൂരിൽ പി.എസ്.സി കോച്ചിംഗ് സെന്ററുകളിൽ വിജിലൻസ് റെയ്ഡ്

കണ്ണൂർ: പി.എസ്.സി കോച്ചിംഗ് സെന്ററുകളിൽ വിജിലൻസ് റെയ്ഡ്. പയ്യന്നൂരിലും ഇരിട്ടിയിലുമാണ് പരിശോധന നടന്നത്.സർക്കാർ ഉദ്യോഗസ്ഥർ വ്യാജ പേരുകളിൽ കോച്ചിംഗ് സെന്ററുകളിൽ ക്ലാസ് എടുക്കുന്നുവെന്ന രഹസ്യവിവരത്തെ തുടർന്നാണ് റെയ്ഡ് നടത്തിയത്.

അന്വേഷണത്തിൽ നാല് ഉദ്യോഗസ്ഥർ ഇത്തരത്തിൽ കോച്ചിംഗ് സെന്ററുകളിൽ ജോലി ചെയ്യുന്നതായി കണ്ടെത്തി. ഇവരുടെ പേര് വിവരങ്ങൾ ശേഖരിച്ചു. ഓഫീസുകളിൽ നിന്ന് ലീവ് എടുത്താണ് ഉദ്യോഗസ്ഥർ കോച്ചിംഗ് സെന്ററുകളിലെത്തിയിരുന്നത്. ഡിവൈഎസ്പി ബാബു പെരിങ്ങേത്തിന്റെ നേതൃത്വത്തിലാണ് റെയ്ഡ് നടന്നത്.