തൃശൂരിലെ സ്വർണാഭരണ നിർമ്മാണ കേന്ദ്രങ്ങളിൽ നിന്ന് കണക്കിൽപ്പെടാത്ത 120 കിലോ സ്വർണം റെയ്ഡ് ചെയ്ത ജി എസ് ടി വിഭാഗം

തൃശൂർ: തൃശൂരിലെ സ്വർണാഭരണ നിർമ്മാണ കേന്ദ്രങ്ങളിലും കടകളിലും ജിഎസ്ടി ഇന്റലിജൻസ് വിഭാഗത്തിന്റെ പരിശോധന ശക്തമായി തുടരുന്നു. ഇതുവരെ 120 കിലോ കണക്കിൽപ്പെടാത്ത സ്വർണം പിടിച്ചെടുത്തതായി ഡെപ്യൂട്ടി കമ്മീഷണർ ദിനേശ് കുമാർ അറിയിച്ചു. കഴിഞ്ഞ 5 വർഷത്തിനുള്ളിൽ നടന്ന നികുതി വെട്ടിപ്പാണ് പരിശോധനയിൽ കണ്ടെത്തിയത്.

തൃശൂരിലെ 74 കേന്ദ്രങ്ങളിലാണ് ജിഎസ്ടി റെയ്ഡ് നടക്കുന്നത്. 700-ലധികം ഉദ്യോഗസ്ഥർ സംസ്ഥാനത്തിന്റെ വിവിധ ഭാഗങ്ങളിൽ നിന്ന് പങ്കെടുക്കുന്ന ഈ റെയ്ഡ് ഇന്നലെ രാവിലെ ആരംഭിച്ച ഇപ്പോഴും തുടരുകയാണ്. കണക്കിൽപ്പെടാത്ത സ്വർണവും രേഖകളും പിടിച്ചെടുത്തതായി അധികൃതർ അറിയിച്ചു. സംസ്ഥാന ജിഎസ്ടി ഇന്റലിജൻസ് സ്പെഷ്യൽ കമ്മീഷണർ അബ്രഹാമിന്റെ നേതൃത്വത്തിലാണ് പരിശോധന നടക്കുന്നത്, മൊത്ത വ്യാപാര സ്ഥാപനങ്ങൾ ലക്ഷ്യമിട്ടാണ് പരിശോധന നടക്കുന്നതെന്ന് അധികൃതർ അറിയിച്ചു. ‘ഓപ്പറേഷൻ ടോറേ ഡെൽ ഓറോ’ എന്നാണ് ഈ പരിശോധനയ്ക്ക് നൽകിയിരിക്കുന്ന പേര്.