മുകേഷിനെതിരായ അന്വേഷണം !എസ്‍പി പൂങ്കുഴലിയുടെ നേതൃത്വത്തിൽ അന്വേഷണത്തിന് പ്രത്യേക സംഘം !

നടനും എംഎല്‍എയുമായ മുകേഷിനെതിരായ ലൈംഗികാതിക്രമ പരാതിയിൽ അന്വേഷണത്തിന് പ്രത്യേക സംഘത്തെ നിയോഗിച്ചു. എസ്‍പി പൂങ്കുഴലിയാണ് അന്വേഷണത്തിന് നേതൃത്വം നല്‍കുക. ചേർത്തല ഡിവൈഎസ്‍പി ബെന്നിയാണ് മുകേഷിനെതിരായ കേസിലെ അന്വേഷണ ഉദ്യോഗസ്ഥൻ. കൊച്ചിയിലെ നടിയുടെ പരാതിയില്‍ നടന്‍ ജയസൂര്യയുടെ കേസ് ഒഴികെയുള്ള എല്ലാ കേസുകളുടെയും അന്വേഷണ മേൽനോട്ടം എസ് പി പൂങ്കുഴലിക്കാണ്.

അതേസമയം, കേസിൽ മുകേഷിന്റെ അറസ്റ്റ് സെപ്റ്റംബർ മാസം മൂന്ന് വരെ എറണാകുളം ജില്ലാ സെഷൻസ് കോടതി തടഞ്ഞിരുന്നു. മുൻകൂർ ജാമ്യാപേക്ഷ ഫയലിൽ സ്വീകരിച്ചാണ് ജില്ലാ സെഷൻസ് കോടതിയുടെ ഇടപെടൽ. മുൻകൂർ ജാമ്യാപേക്ഷയിൽ വിശദമായ വാദം അടുത്ത മാസം മൂന്നിന് നടക്കുമെന്ന് എറണാകുളം കോടതി അറിയിച്ചിട്ടുണ്ട്.

ബലാത്സംഗം, സ്ത്രീത്വത്തെ അപമാനിക്കൽ , അതിക്രമിച്ച് കടക്കൽ എന്നീ കുറ്റങ്ങൾ ചുമത്തിയാണ് മുകേഷിനെതിരെ കേസെടുത്തിരിക്കുന്നത്. മുകേഷ് രാജി വയ്‌ക്കേണ്ടതിന്റെ ആവശ്യമില്ലെന്ന് സിപിഎം നിലപാടെടുക്കുമ്പോൾ എൽഡിഎഫ് മുന്നണിക്കുള്ളതിൽ രൂക്ഷമായ അഭിപ്രായ വ്യത്യാസമുണ്ടായിരിക്കുകയാണ്. ആരോപണവിധേയനായ മുകേഷ് മാറി നിൽക്കുന്നതാണ് നല്ലതെന്നാണ്
സിപിഐ അഭിപ്രായപ്പെടുന്നത്.

അതേസമയം സിപിഎം ദേശീയ സെക്രട്ടേറിയറ്റ് അംഗം ആനി രാജയും അസിസ്റ്റന്‍റ് സെക്രട്ടറി പ്രകാശ് ബാബുവും രാജിയിൽ പരസ്യ നിലപാടെത്തിരിക്കുകയാണ്. എന്നാൽ ധാര്‍മ്മികത നേര്‍പ്പിച്ചായിരുന്നു സംസ്ഥാന സെക്രട്ടറി ബിനോയ് വിശ്വത്തിന്‍റെ പ്രതികരണം. അടിയന്തര എക്സിക്യൂട്ടീവിൽ രാജി അനിവാര്യമെന്ന നിലപാടിനൊപ്പമായിരുന്നു ഭൂരിപക്ഷം