മർക്കസ് നോളേജ് സിറ്റി, താലിബാന്റെ കേന്ദ്രമാക്കാൻ ഇടത്പക്ഷ സർക്കാർ സഹായിക്കുന്നു? പ്രക്ഷോഭവുമായി യുവമോർച്ച

കോഴിക്കോട്: കോഴിക്കോട് കോടഞ്ചേരിയിലെ മർക്കസ് നോളേജ് സിറ്റി കേരള താലിബാന്റെ ആസ്ഥാനമാക്കാനുള്ള ഇടത്പക്ഷ സർക്കാരിന്റെ നീക്കത്തിനെതിരെ ശക്തമായ പ്രക്ഷോഭവുമായി യുവമോർച്ച.

മർക്കസ് നോളേജ് സിറ്റി കേരള താലിബാന്റെ ആസ്ഥാനമാക്കാനുള്ള നീക്കമാണ് ഇടത് പക്ഷസർക്കാറിന്റെ സഹായത്തോടെ നടക്കുന്നത് എന്നാണ് പുറത്തുവരുന്ന റിപ്പോർട്ടുകൾ.

‘തോട്ടം ഭൂമി തരം മാറ്റി അനധികൃത കെട്ടിട നിർമ്മാണം പഞ്ചായത്തിന്റെ അനുമതി ഇല്ലാതെയാണ് നടക്കുന്നതെന്നും കേരളത്തിൽ സാധാരണക്കാരൻ ഭൂമിതരം മാറ്റി കിട്ടാൻ ആത്മഹത്യ ചെയ്യുന്ന നാട്ടിലാണ് ഏക്കറ് കണക്കിന് ഭൂമി അനധികൃതമായി തരം മാറ്റി കെട്ടിടനിർമ്മാണം നടത്തുന്നതെന്നും കേരളത്തിൽ വളർന്ന് വരുന്ന ഇസ്ലാമിക തീവ്രവാദത്തിന് കേന്ദ്രം ഒരുക്കുന്ന പിണറായി വിജയൻ താലിബാന്റെ ഏജന്റായാണ് പ്രവർത്തിക്കുന്നതെന്നും’ യുവമോർച്ച സംസ്ഥാന ജനറൽ സെക്രട്ടറി കെ ഗണേഷ് പറഞ്ഞു. ഇതിനെതിരെ നിയമപരമായും ബഹുജനങ്ങളെ സംഘടിപ്പിച്ചും യുവമോർച്ച പ്രക്ഷോഭം ഇനിയും ശക്തമാക്കും എന്നും അദ്ദേഹം പറഞ്ഞു.

അതേസമയം നോളജ് സിറ്റിയുടെ വിവാദ പ്രദേശങ്ങൾ യുവമോർച്ച പ്രവർത്തകർ ഇന്ന് സന്ദർശിച്ചു. പരിപാടിയിൽ യുവമോർച്ച സംസ്ഥാന ജനറൽ സെക്രട്ടറി കെ ഗണേഷ്, യുവമോർച്ച സംസ്ഥാന സമിതി അംഗം ലിബിൻ ബാലുശ്ശേരി, ജില്ലാ സെക്രട്ടറി മനു മോഹൻ, മണ്ഡലം പ്രസിഡൻ്റ് വിപിൻ ദാസ്,ശശി അടിവാരം,മോഹനൻ കോടഞ്ചേരി,യുവമോർച്ച മണ്ഡലം ജനറൽ സെക്രട്ടറി വിഷ്ണു, പ്രവീൺ പുതിയോട്ടിൽ തുടങ്ങിയവർ പങ്കെടുത്തു.