ഞാന്‍ കണ്ടതില്‍വെച്ച് ഏറ്റവും വലിയ ഡാഷ്‌ബോര്‍ഡ് സ്‌ക്രീനാണിത്;കൗതുകമുണർത്തുന്ന ചിത്രം പങ്കുവച്ച്ആനന്ദ് മഹീന്ദ്ര

മഹീന്ദ്രയുടെ വാഹനങ്ങളുമായി ബന്ധപ്പെട്ട കൗതുകമുണര്‍ത്തുന്ന ചിത്രങ്ങളും വീഡിയോകളും സോഷ്യൽ മീഡിയയിൽ ഇടയ്ക്ക് വരാറുണ്ട്. ഇങ്ങനെ വരുന്ന ചിത്രങ്ങളും വീഡിയോകളും മഹീന്ദ്രയുടെ ചെയർപേഴ്‌സണായ ആനന്ദ് മഹീന്ദ്ര പങ്കുവയ്ക്കാറുണ്ട്. മാത്രമല്ല അത് ഇഷ്ടപ്പെട്ടു കഴിഞ്ഞാൽ അതിനുപിന്നിലുള്ളവരെ അഭിനന്ദിക്കുകയും ചെയ്യാറുണ്ട്.

ഇപ്പോൾ ഇതുപോലെ കാഴ്ചയില്‍ അല്‍പ്പം കൗതുകമുണര്‍ത്തുന്ന പുതിയ ഒരു ചിത്രമാണ് ആനന്ദ് മഹീന്ദ്ര ട്വിറ്ററിൽ പങ്കുവച്ചിരിക്കുന്നത്. ഒരു വീട്ടില്‍ ടി.വി. സ്ഥാപിച്ചിരിക്കുന്ന സ്റ്റാന്റിന്റെ ചിത്രമാണ് ആനന്ദ് മഹീന്ദ്ര പങ്കുവച്ചിരിക്കുന്നത്. എന്നാൽ സ്റ്റാന്റിലാണ് കൗതുകം. മഹീന്ദ്രയുടെ പഴയ ജീപ്പിന്റെ മുന്‍ഭാഗം പോലെയാണ് സ്റ്റാന്റ് നിർമിച്ചിരിക്കുന്നത്. വാഹനത്തിന്റെ ബോണറ്റ്, ഹെഡ്‌ലാമ്പ്, ഇന്റിക്കേറ്റര്‍, ടയര്‍, ബമ്പര്‍,ബോണറ്റിന്റെ ലോക്ക് വരെ ഉൾപ്പെടുത്തിയാണ് സ്റ്റാന്റ് നിർമിച്ചിരിക്കുന്നത്. ബോണറ്റിന്റെ മുകളിലാണ് ടി.വി. വച്ചിരിക്കുന്നത്. ഞാന്‍ കണ്ടതില്‍വെച്ച് ഏറ്റവും വലിയ ഡാഷ്‌ബോര്‍ഡ് സ്‌ക്രീനാണിത്. ഇത് ഏറെ സന്തോഷിപ്പിക്കുന്ന ഒന്നാണ്. നന്ദി എന്ന കുറിപ്പോടെയാണ് ആനന്ദ് മഹീന്ദ്ര ഈ ചിത്രം പങ്കുവെച്ചിരിക്കുന്നത്. 7.5 ലക്ഷത്തോളം ആളുകളാണ് ഈ ചിത്രം കണ്ടിരിക്കുന്നത്.