എസ് ഡി പി ഐ, പോപ്പുലർ ഫ്രണ്ട് മത ഭീകരതക്കെതിരെ രാഷ്ട്ര രക്ഷാസമിതിയുടെ ജനമുന്നേറ്റം ഇന്ന്; പ്രജ്ഞാവാഹ്‌ അഖിലേന്ത്യ സംയോജക് ജെ.നന്ദകുമാർ മുഖ്യപ്രഭാഷണം നടത്തും

പാലക്കാട്: എസ് ഡി പി ഐ, പോപ്പുലർ ഫ്രണ്ട് മത ഭീകരതക്കെതിരെ രാഷ്ട്ര രക്ഷാസമിതിയുടെ നേതൃത്വത്തിൽ മഹാപ്രകടനവും പൊതുസമ്മേളനവും നടക്കും. ഇന്ന് (29/05/2022) വൈകുന്നേരം 3 മണിക്ക് മേലാമുറിയിൽ നിന്ന് കോട്ടമൈതാനത്തേക്കാണ് മഹാപ്രകടനം. ‘ജനകീയ മുന്നേറ്റം’ എന്ന് പേരിട്ടിരിക്കുന്ന മഹാപ്രകടനത്തിനു ശേഷമുള്ള പൊതുസമ്മേളനത്തിൽ മുതിർന്ന സംഘപ്രചാരകനും പ്രജ്ഞാവാഹ്‌ അഖിലേന്ത്യ സംയോജകുമായ ജെ നന്ദകുമാർ മുഖ്യപ്രഭാഷണം നടത്തും.

‘അണിചേരുക ഐക്യത്തോടെ ജനകീയ മുന്നേറ്റത്തിനായി’ എന്നതാണ് പരിപാടിയുടെ മുദ്രാവാക്യം. പോപ്പുലർ ഫ്രണ്ടും എസ് ഡി പി ഐ യും സൃഷ്ടിക്കുന്ന മത ഭീകരതക്കെതിരെ ജനങ്ങളെ ബോധവൽക്കരിക്കുകയാണ് ലക്‌ഷ്യം. സംഘപരിവാർ സംഘടനകളുടെ കേന്ദ്ര സംസ്ഥാന നേതാക്കൾ പരിപാടിയിൽ പങ്കെടുക്കുന്നു.ആർ എസ് എസ് നേതാവ് ശ്രീനിവാസനെ ഭീകരർ വെട്ടിക്കൊലപ്പെടുത്തിയ മേലാമുറിയിൽ നിന്നാണ് പ്രകടനത്തിന്റെ തുടക്കം