കാസർഗോഡ് ദേശീയപാത വികസനം; മേൽപ്പാലം തകർന്നുവീണ് തൊഴിലാളിക്ക് പരുക്ക്

കാസർഗോഡ്: ദേശീയപാത വികസനത്തിനായി നിർമ്മിക്കുന്ന അടിപ്പാത കോൺക്രീറ്റ് ചെയ്യുന്നതിനിടെ തകർന്നുവീണു. അപകടത്തിൽ ഒരാൾക്ക് പരിക്കേറ്റു. നിർമ്മാണ തൊഴിലാളിക്കാണ് പരിക്കേറ്റത്.

പെരിയ ടൗണിന് സമീപം നിർമ്മിക്കുന്ന പാലമാണ് കോൺക്രീറ്റ് ചെയ്യുന്നതിനിടെ തകർന്നുവീണത്.
ഇന്ന് രാവിലെയാണ് സംഭവം നടന്നത്. അഞ്ചോളം തൊഴിലാളികളാണ് അപകടസമയത്ത് മേൽപ്പാല നിമ്മാണത്തിൽ ജോലി ചെയ്തിരുന്നത്.

രാത്രികാലങ്ങളിലും ഇവിടെ നിർമ്മാണ പ്രവർത്തനങ്ങൾ നടക്കാറുണ്ട്. നിർമാണത്തിലെ അപാകതയാണോ പാലം തകരാൻ കാരണമെന്ന് വ്യക്തമായിട്ടില്ല. അന്വേഷണം ആരംഭിച്ചു.