പട്ടാപ്പകൽ മുംബൈ മോഡൽ കവർച്ച: തലസ്ഥാനത്ത് മുഖംമൂടി സംഘം തോക്ക് ചൂണ്ടി സ്വര്‍ണം കൊള്ളയടിച്ചു; ഒടുവിൽ സംഭവിച്ചത് വമ്പൻ ട്വിസ്റ്റ്

തിരുവനന്തപുരം: കാട്ടാക്കടയിൽ പട്ടാപകൽ മുംബൈ മോഡൽ കവർച്ച. രണ്ടംഗ സംഘമാണ് ബെെക്കിലെത്തി കൊള്ള നടത്തിയത്. കാട്ടാക്കട പുല്ലുവിളാകത്തെ വീട്ടിലെത്തിയ മുഖംമൂടി സംഘം തോക്ക് ചൂണ്ടി ഭീഷണിപ്പെടുത്തിയാണ് കമ്മൽ കവർന്നത്.

സംഭവം നടക്കുമ്പോൾ കൊച്ചുമകളും അമ്മുമ്മയും മാത്രമായിരുന്നു വീട്ടിലുണ്ടായിരുന്നത്. പൊലീസെത്തിയപ്പോഴാണ് സംഭവത്തിലെ ട്വിസ്റ്റ് വെളിയിലായത്. സ്വര്‍ണ കമ്മലെന്ന് കരുതി കള്ളന്മാര്‍ കൊള്ളയടിച്ചത് മുക്കുപണ്ടമായിരുന്നു.

നഷ്ടപ്പെട്ട കമ്മല്‍ സ്വര്‍ണമായിരുന്നില്ലെന്ന് വീട്ടുകാര്‍ മൊഴി നല്‍കിയെന്ന് പൊലീസ് അറിയിച്ചു. സംഭവത്തില്‍ കാട്ടാക്കട പൊലീസ് അന്വേഷണം ആരംഭിച്ചിട്ടുണ്ട്. പ്രധാനമായും പ്രദേശത്തെ കഞ്ചാവ് സംഘങ്ങളെ കേന്ദ്രീകരിച്ചാണ് അന്വേഷണം.