കൊയിലാണ്ടി എ.ടി.എം കവർച്ച ‘നാടകം ‘പരാതിക്കാരനും സുഹൃത്തും അറസ്റ്റിൽ

കൊയിലാണ്ടി: എ ടി എമ്മില്‍ നിറയ്‌ക്കേണ്ട 25 ലക്ഷം രൂപ കാണാതായ സംഭവത്തിൽ പരാതിക്കാരനെയും സുഹൃത്തിനേയും പോലീസ് അറസ്റ്റ് ചെയ്തു .കണ്ണിൽ മുളക് പൊടി വിതറി പണം കവർന്നെന്ന പരാതി പ്രതികളുടെ നാടകമാണെന്ന് തെളിഞ്ഞതോടെയാണ് എ ടി എമ്മില്‍ പണം നിറയ്‌ക്കാന്‍ ചുമതലയുണ്ടായിരുന്ന സ്വകാര്യ ഏജന്‍സിയിലെ ജീവനക്കാരനെയും സുഹൃത്തിനെയും പോലീസ് അറസ്റ്റ് ചെയ്തത്.

പയ്യോളി സ്വദേശി സുഹൈൽ സുഹൃത്ത് താഹ എന്നിവരാണ് പിടിയിലായത് .താഹയുടെ കൈയിൽ നിന്നും 34 ലക്ഷം രൂപ കണ്ടെത്തി.72, 40,000 രൂപ നഷ്ടപ്പെട്ടു എന്നായിരുന്നു പരാതി .എ ടി എമ്മില്‍ നിറയ്‌ക്കാന്‍ പണവുമായി പോകുകയായിരുന്ന തന്നെ ഒരു സംഘം ആക്രമിച്ച് കവര്‍ച്ച നടത്തുകയായിരുന്നുവെന്ന് പയ്യോളി സ്വദേശി സുഹൈല്‍ പോലീസില്‍ പരാതിപ്പെട്ടത്. കഴിഞ്ഞ ദിവസം വൈകീട്ട് നാലോടെ കൊയിലാണ്ടി ദേശീയപാതയിലെ കാട്ടിലപ്പീടികയില്‍ നിര്‍ത്തിയിട്ട കാറിനുള്ളില്‍ നിന്നാണ് സുഹൈലിനെ കെട്ടിയിട്ട നിലയില്‍ നാട്ടുകാര്‍ കണ്ടത്. കാറിലും മുഖത്തും മുളകുപൊടി വിതറി കാറിന്റെ സീറ്റുകള്‍ക്കുള്ളില്‍ കൈയും കാലും കെട്ടിയിട്ട നിലയിലായിരുന്നു ഇയാള്‍ ഉണ്ടായിരുന്നത്.