‘മൻ കി ബാത്ത്’ 91ാം പതിപ്പ്; ജനങ്ങളുടെ ആശയങ്ങളും നിർദ്ദേശങ്ങളും ക്ഷണിച്ച് പ്രധാനമന്ത്രി

ദില്ലി: ഈ മാസം 31 ന് നടക്കുന്ന പ്രതിമാസ റേഡിയോ പരിപാടിയായ ‘മൻ കി ബാത്തിന്റെ’ 91-ാം എഡിഷനിലേക്ക് ആശയങ്ങളും നിർദ്ദേശങ്ങളും ക്ഷണിച്ച് പ്രധാനമന്ത്രി നരേന്ദ്രമോദി. ജനങ്ങൾക്ക് മൈഗവൺമെന്റ് അല്ലെങ്കിൽ നമോ ആപ്പുകൾ വഴി തങ്ങളുടെ ആശയങ്ങൾ പങ്കുവയ്‌ക്കാം. 1800-11-7800 എന്ന നമ്പറിലേക്ക് വിളിച്ച് ആളുകൾക്ക് സന്ദേശങ്ങൾ റെക്കോർഡ് ചെയ്യാനും കഴിയും. ട്വിറ്ററിലൂടെയാണ് പ്രധാനമന്ത്രി ഇക്കാര്യം അറിയിച്ചത്.

മൈഗവൺണെന്റ് ആപ്പിലും ഇത് സംബന്ധിച്ചുള്ള കൂടുതൽ വിവരങ്ങൾ ഉൾപ്പെടുത്തിയിട്ടുണ്ട്. ‘ നിങ്ങൾ പ്രാധാന്യമുള്ളത് എന്ന് കരുതുന്ന വിഷയത്തെകുറിച്ച് സംസാരിക്കാൻ പ്രധാനമന്ത്രി ആഗ്രഹിക്കുന്നുവെന്നാണ്’ ഇതിൽ നൽകിയിരിക്കുന്നത്. അല്ലെങ്കിൽ 1922 എന്ന നമ്പറിലേക്ക് ഒരു മിസ്ഡ് കോൾ ചെയ്യുക. തുടർന്ന് നിങ്ങൾക്ക് ലഭിക്കുന്ന നിർദ്ദേശങ്ങൾ പിന്തുടർന്നും ഇതിനുള്ള അവസരം ലഭിക്കും.

മൻ കി ബാത്തിന്റെ 90-ാം എഡിഷനിൽ 1975ലെ അടിയന്തരാവസ്ഥക്കാലത്തെ കുറിച്ച് സംസാരിച്ചിരുന്നു. അടിയന്തരാവസ്ഥയ്‌ക്ക് ശേഷവും ജനങ്ങൾക്ക് ജനാധിപത്യത്തിലുള്ള വിശ്വാസം നഷ്ടപ്പെട്ടില്ലെന്നും അദ്ദേഹം പറഞ്ഞു.