ജഗത്ഗുരു മാതാ അമൃതാനന്ദമയി ദേവിയുടെ എഴുപതാം ജന്മദിനാഘോഷം; പന്തളത്ത് വിളമ്പര ഘോഷയാത്ര സംഘടിപ്പിച്ചു; വലിയ കോയിക്കൽ ധർമ്മശാസ്ത്ര ക്ഷേത്രത്തിൽ നിന്ന് ആരംഭിച്ച ഘോഷയാത്ര കുരമ്പാല പുത്തൻകാവ് ദേവി ക്ഷേത്രത്തിൽ സമാപിച്ചു.

പന്തളം : ജഗത്ഗുരു മാതാ അമൃതാനന്ദമയി ദേവിയുടെ എഴുപതാം ജന്മദിനാഘോഷങ്ങളുടെ ഭാഗമായി പന്തളത്ത് നടന്ന വിളമ്പര ഘോഷ യാത്രയുടെ ഉത്ഘാടനം പന്തളം കൊട്ടാരം നിർവാഹക സമിതി ട്രഷറർ ദീപ വർമ്മ നിർവഹിച്ചു. പന്തളം മാതാ അമൃതാനന്ദമയി മഠാധിപതി സ്വാമിനി സാത്വികാമൃത ചൈതന്യ ചടങ്ങിന് അദ്ധ്യക്ഷത വഹിച്ചു.

വലിയ കോയിക്കൽ ക്ഷേത്രം ഉപദേശക സമതി പ്രസിഡന്റ്‌ ജി. പൃഥ്വി പാൽ,ദേവസ്വം അഡ്മിനിസ്ട്രേറ്റീവ് ഓഫീസർ സുനിൽ കുമാർ,പന്തളം അമൃത വിദ്യാലയം പ്രിൻസിപ്പാൾ സ്വാമിനി അഭിവന്ദ്യാമൃത ചൈതന്യ തുടങ്ങിയവർ ചടങ്ങിൽ ആശംസപ്രസംഗം നടത്തി. ചടങ്ങിൽ വിവിധ മേഖലകളിൽ വ്യക്തി മുദ്ര പതിപ്പിച്ച ആറോളം കലാകാരന്മാരെ ആദരിച്ചു.

വലിയ കോയിക്കൽ ധർമ്മശാസ്ത്ര ക്ഷേത്രത്തിൽ നിന്ന് ആരംഭിച്ച വിളംബര ഘോഷയാത്ര മുട്ടാർ, മുടിയൂർക്കോണം ധർമ്മശാസ്താ ക്ഷേത്രം, തോട്ടക്കോണം, കുളനട ദേവി ക്ഷേത്രം, നെട്ടൂർ ദേവീക്ഷേത്രം, മാന്തുക ശിവപാർവ്വതി ക്ഷേത്രം, കായ്പശ്ശേരി ദേവി ക്ഷേത്രം, കൈപ്പട്ടൂർ, വള്ളിക്കോട്, കൊടുമൺ, അടൂർ ഇല്ലത്ത് കാവ് ഗണേശ പരാശക്തി ക്ഷേത്രം, അടൂർ പാർത്ഥസാരഥി ക്ഷേത്രം, തോട്ടുവ കണ്ണംപള്ളി ക്ഷേത്രം, പൂഴിക്കാട് എന്നീ സ്ഥലങ്ങൾ ചുറ്റി കുരമ്പാല പുത്തൻകാവ് ദേവി ക്ഷേത്രത്തിൽ സമാപിച്ചു.