‘അഴിമതിയിൽ മുങ്ങി കുളിച്ചിരിക്കുന്ന പ്രതിപക്ഷത്തിലെ പകുതിയിലധികം നേതാക്കളും ജാമ്യത്തിലാണ് രാഷ്ട്രീയ പ്രവർത്തനം നടത്തുന്നത്’; കേന്ദ്ര മന്ത്രി പിയൂഷ് ഗോയൽ

മുംബൈ: പ്രതിപക്ഷം മുഴുവൻ അഴിമതിയിൽ മുങ്ങി കുളിച്ചിരിക്കുകയാണെന്നും അതിൽ പകുതിയിലധികം നേതാക്കളും ഇപ്പോൾ ജാമ്യത്തിലാണ് രാഷ്ട്രീയ പ്രവർത്തനം നടത്തുന്നതെന്നും കേന്ദ്ര മന്ത്രിയും മുംബൈ നോർത്തിൽ നിന്നുള്ള ലോക്സഭാ സ്ഥാനാർത്ഥിയുമായ പിയൂഷ് ഗോയൽ. ഒരു ദേശീയ മാദ്ധ്യമത്തിന് നൽകിയ അഭിമുഖത്തിലാണ് പ്രതിപക്ഷത്തിനെതിരെ ആഞ്ഞടിച്ചു കൊണ്ട് പിയൂഷ് ഗോയൽ രംഗത്ത് വന്നിരിക്കുന്നത്.

അങ്ങേയറ്റം നിരാശയിലാണ് രാജ്യത്തെ പ്രതിപക്ഷം. അത് കൊണ്ട് തന്നെ രാജ്യത്തെ എങ്ങനെ വിഭജിക്കാമെന്നും അഴിമതിക്കാരെ എങ്ങനെ രക്ഷിക്കാം എന്നും മാത്രമാണ് അവർ ചിന്തിക്കുന്നത്. രാജ്യത്തിൻറെ ഭാവി എങ്ങനെയാകും എന്ന് പോലും ചിന്തിക്കാൻ കഴിയാത്തവണ്ണം ദുർബലരാണവർ. വെറുതെ വിവാദങ്ങൾ ഉണ്ടാക്കുക എന്നത് മാത്രമാണ് അവരുടെ പണി. അത് കൊണ്ട് തന്നെ ജനങ്ങൾക്കിടയിൽ അവർക്ക് ഇപ്പോൾ ഒരു വിശ്വാസതയും ഇല്ല എന്ന് പിയൂഷ് ഗോയൽ പറഞ്ഞു.