മുംബൈ വൻ മയക്കുമരുന്ന് ശേഖരം; ഒരു സ്ത്രീ അടക്കം ഏഴു പേർ പോലീസ് പിടിയിൽ

മുംബൈ: ആയിരം കോടിയിലേറെ വിലവരുന്ന മയക്കുമരുന്ന് മുംബൈയിൽ നിന്നും പിടികൂടി. 513 കിലോ എംഡിഎംഎ ആണ് പിടികൂടിയത്. ഒരു ഫാക്ടറിയിൽ നിന്നുമാണ് വൻ മയക്കുമരുന്ന് ശേഖരം പിടിച്ചെടുത്തത്. സംഭവത്തിൽ ഒരു സ്ത്രീ അടക്കം 7 പേരെ അറസ്റ്റ് ചെയ്തു.

മുംബൈ പൊലീസിലെ നാർക്കോട്ടിക് സെല്ലിന്റെ വർളി യൂണിറ്റാണ് രഹസ്യവിവരത്തെ തുടർന്ന് ലഹരി മരുന്ന് ശേഖരം കണ്ടെത്തിയത്. രണ്ടാഴ്ച മുമ്പ് മുംബൈ പൊലീസിന്റെ നാർക്കോട്ടിക് സെൽ 1,400 കോടിയുടെ ലഹരി മരുന്ന് പാൽഖർ ജില്ലയിൽ നിന്നും പിടികൂടിയിരുന്നു.