ആരും വിപ്ലവം ഒറ്റ ദിവസം കൊണ്ട് ഉണ്ടാക്കിയിട്ടില്ല; സമസ്തയെ വിമർശിച്ച് കുഞ്ഞാലിക്കുട്ടി

വാഫി വഫിയ്യ സനദ് ദാന സമ്മേളനത്തിൽ സമസ്തക്ക് പരോക്ഷ വിമർശനവുമായി മുസ്ലിം ലീഗ് നേതാവ് പി കെ കുഞ്ഞാലിക്കുട്ടി. പാണക്കാട് കുടുംബവും സമസ്തയും പണ്ഡിതരുമെല്ലാം ചേർന്നാണ് സാമൂഹിക നവോത്ഥാനമുണ്ടാക്കിയത്. ആരും ഒറ്റ ദിവസം കൊണ്ട് വിപ്ലവം ഉണ്ടാക്കിയിട്ടില്ലെന്നും കുഞ്ഞാലിക്കുട്ടി ഓർമിപ്പിച്ചു.

സമസ്തയുടെ വിലക്ക് നിലനിൽക്കെയാണ് പാണക്കാട് കുടുംബത്തിൽ നിന്നുള്ള പ്രമുഖർ സനദ് ദാന സമ്മേളനത്തിൽ ഉടനീളം പങ്കെടുക്കുന്നത്. സിഐസി സനദ് ദാന സമ്മേളനത്തിൽ നിന്നും വിട്ടു നിൽക്കണമെന്നായിരുന്നു സമസ്ത ആവശ്യപ്പെട്ടത്. ഇതിനിടയിലാണ് സമ്മേളന വേദിയിൽ വെച്ച് തന്നെ സമസ്തയെ പി കെ കുഞ്ഞാലിക്കുട്ടി പരോക്ഷമായി വിമർശിച്ചത്.