ദില്ലി:∙ സ്വകാര്യ മെഡിക്കൽ കോളജുകളിലെ ഫീസ് നിയന്ത്രിച്ച് മാർഗരേഖ പുറത്ത്. 50 ശതമാനം സീറ്റുകളിൽ സർക്കാർ ഫീസ് ഈടാക്കണമെന്ന് നാഷനൽ മെഡിക്കൽ കമ്മിഷന്റെ മാർഗരേഖയിൽ പറയുന്നു. ഡീംഡ് സർവകലാശാലകൾക്കും മാർഗരേഖ ബാധകമാണ്.
സ്വകാര്യ മെഡിക്കൽ കോളജുകളിലും കൽപിത മെഡിക്കൽ സർവകലാശാലകളിലും പകുതി എംബിബിഎസ്, പിജി സീറ്റുകളിൽ അതതു സംസ്ഥാനത്തെ സർക്കാർ മെഡിക്കൽ കോളജുകളിലെ നിരക്കിൽ മാത്രമേ ഫീസ് ഈടാക്കാൻ പാടുള്ളൂ. ബാക്കി പകുതി സീറ്റുകളിൽ സംസ്ഥാന ഫീ റഗുലേറ്ററി അതോറിറ്റികൾ നിശ്ചയിക്കുന്ന ഫീസ് ഈടാക്കാം. സ്വകാര്യ മെഡിക്കൽ സ്ഥാപനങ്ങളുടെ പ്രവർത്തനച്ചെലവ് കണക്കിലെടുത്താണ് ഈ ഫീസ് നിശ്ചയിക്കേണ്ടതെന്ന് ദേശീയ മെഡിക്കൽ കമ്മിഷൻ (എൻഎംസി) സംസ്ഥാനങ്ങൾക്കു നിർദേശം നൽകിയതിനു പിന്നാലെയാണ് ഇത്.
അതേസമയം സ്വകാര്യ മെഡിക്കൽ സീറ്റുകളിൽ അമിത ഫീസ് നിശ്ചയിക്കുന്നത് തടയാൻ 26 നിർദേശങ്ങളും പുറപ്പെടുവിച്ചിരുന്നു. തലവരിപ്പണം വാങ്ങാൻ പാടില്ല. സ്ഥാപനങ്ങൾ ലാഭേച്ഛയോടെ പ്രവർത്തിക്കരുത്. ആശുപത്രി നിർമാണം മുതൽ അധ്യാപകരുടെ ശമ്പളം വരെയുള്ള ചെലവുകൾ പ്രവർത്തനച്ചെലവിൽ ഉൾപ്പെടുത്താം. സ്ഥാപനങ്ങൾ ഓരോ വർഷവും വരവു ചെലവു കണക്ക് ഓഡിറ്റ് ചെയ്ത് പ്രസിദ്ധീകരിക്കണം. ആശുപത്രിയുടെ ചെലവ് മുഴുവൻ സ്ഥാപനത്തിന്റെ ചെലവിൽ ഉൾപ്പെടുത്താൻ പാടില്ല തുടങ്ങിയവയാണിവ.
മാത്രമല്ല മെഡിക്കൽ സ്ഥാപനങ്ങളിൽ സർക്കാർ ഫീസ് ബാധകമായ പകുതി സീറ്റുകളിൽ പ്രവേശനപരീക്ഷയിലെ മികവിന്റെ അടിസ്ഥാനത്തിൽ വിദ്യാർഥികളെ പ്രവേശിപ്പിക്കണം. ഉത്തരവ് പ്രാബല്യത്തിൽ വന്നതോടെ ഫലത്തിൽ സ്വകാര്യ മെഡിക്കൽ കോളജുകളിലെ പകുതി സീറ്റുകൾ സർക്കാർ മേഖലയ്ക്ക് കൈമാറ്റപ്പെടും. കേരളം ഉൾപ്പെടെ ചില സംസ്ഥാനങ്ങൾ സ്വകാര്യ മെഡിക്കൽ സീറ്റുകളിൽ ഫീസ് നിശ്ചയിക്കുന്നതിന് മാനദണ്ഡം ഏർപ്പെടുത്തിയിട്ടുണ്ട്. കൽപിത സർവകലാശാലകളിൽ ഉൾപ്പെടെ നിയന്ത്രണം ആദ്യമായാണ്.
ജോർദാനിലെ കറാക്ക് പ്രവിശ്യയിലെ ഓർത്തഡോക്സ് പള്ളിയിലുണ്ടായ ആക്രമണം ഒരു ഒറ്റപ്പെട്ട സാമുദായിക കലാപമല്ല, മറിച്ച് രാജ്യത്തെ സുസ്ഥിരതയെ ലക്ഷ്യം വെച്ചുള്ള…
ശിവഗിരി മഠം ട്രസ്റ്റ് അംഗമായി തിരഞ്ഞെടുക്കപ്പെട്ട ആലുവ അദ്വൈതാശ്രമം സെക്രട്ടറി സ്വാമി ധർമ്മ ചൈതന്യയെ സന്ദർശിച്ച് രാഷ്ട്രീയ സ്വയംസേവക സംഘം…
പാകിസ്ഥാനിലെ ഭീകരസംഘടനകളുടെ താവളങ്ങളിൽ വീണ്ടും ആശങ്ക പടർത്തി മുതിർന്ന ലഷ്കർ-ഇ-ത്വയ്യിബ കമാൻഡർ ഹമീദുള്ള ഭട്ടിയുടെ മരണവാർത്ത. ലഷ്കർ തലവൻ ഹാഫിസ്…
നിയുക്ത ശബരിമല മേൽശാന്തി അരീക്കര സുബ്രഹ്മണ്യൻ ശങ്കരൻ നമ്പൂതിരിയെ കേരള ക്ഷേത്ര സംരക്ഷണ സമിതി തിരുവനന്തപുരം താലൂക്ക് കമ്മിറ്റിയുടെ നേതൃത്വത്തിൽ…
ആചാര്യകുലം ദുബായ് വര്ഷം തോറും നടത്തിവരുന്ന മഹാസരസ്വതി യജ്ഞം, ഇത്തവണയും ആഘോഷിച്ചു. ദുബായ്, അൽ ഖിസൈസ് മായാമണി ഹാളിൽ, രാവിലെ…
ട്രെയിൻ യാത്രയ്ക്കിടെ മൊബൈൽ ഫോണിൽ ഉച്ചത്തിൽ പാട്ടുകൾ കേൾക്കുന്നതും വീഡിയോകൾ കാണുന്നതും മറ്റ് യാത്രക്കാർക്ക് ബുദ്ധിമുട്ടുണ്ടാക്കുന്ന രീതിയിൽ ഫോണിൽ സംസാരിക്കുന്നതും…