സമകാലിക വിഷയങ്ങളിൽ അറിവിന്റെ ആഴങ്ങളിലേക്ക് വീണ്ടും നേതി നേതി; മാറുന്ന ഇന്ത്യ ചൈന ബന്ധത്തെ കുറിച്ച് പ്രമുഖർ പങ്കെടുക്കുന്ന സെമിനാർ നവംബർ 26 ന് തിരുവനന്തപുരത്ത്; തത്സമയ സംപ്രേക്ഷണവുമായി തത്വമയി നെറ്റ്‌വർക്ക്

തിരുവനന്തപുരം: സമകാലിക വിഷയങ്ങളിൽ അറിവിന്റെ ആഴങ്ങളിലേക്ക് വെളിച്ചവീശുന്ന നേതി നേതി സെമിനാർ വീണ്ടും. മാറുന്ന ഇന്ത്യ ചൈന ബന്ധമാണ് നവംബർ 26 ന് നടക്കുന്ന സെമിനാറിന്റെ വിഷയം. പ്രശസ്‌ത കോളംനിസ്റ്റും ഐ ഐ ടി മദ്രാസ് അദ്ധ്യാപകനുമായ പ്രൊഫ. രാജീവ് ശ്രീനിവാസൻ, കേരള സർവ്വകലാശാല പ്രോഗ്രാം ഡയറക്ടർ ഡോ. സി എ ജോസുകുട്ടി തുടങ്ങിയവർ വിഷയത്തിൽ പ്രഭാഷണം നടത്തും. തത്വമയി ടി വി എം ഡി യും ചീഫ് എഡിറ്ററുമായ രാജേഷ് പിള്ള മോഡറേറ്ററായിരിക്കും. തിരുവനന്തപുരം കവടിയാർ ചേംബർ ഹാളിൽ വൈകുന്നേരം നാലുമണിക്കാണ് സെമിനാർ. സെമിനാറിന്റെ തത്സമയ സംപ്രേക്ഷണം തത്വമയി നെറ്റ്‌വർക്കിൽ ഉണ്ടായിരിക്കും.

ദീർഘകാലം വഷളായിരുന്ന നയതന്ത്ര ബന്ധമായിരുന്നു ഇന്ത്യയും ചൈനയും തമ്മിലുണ്ടായിരുന്നത്‌. 2020 ലെ ഗാൽവാൻ സംഘർഷത്തിന് ശേഷം ഇരു രാജ്യങ്ങളും തമ്മിലുള്ള ബന്ധം ഏറെ വഷളായിരുന്നു. വർഷങ്ങളോളം ഇരു സേനകളും നിയന്ത്രണരേഖയിൽ പലയിടത്തും മുഖാമുഖം നിന്നിരുന്നു. എന്നാൽ നയതന്ത്ര തലത്തിലും സൈനിക തലത്തിലും നടന്ന ചർച്ചകളുടെ ഫലമായി ഇവിടങ്ങളിൽ സേനാ പിന്മാറ്റം പൂർത്തിയാക്കി ഇരുരാജ്യങ്ങളും പെട്രോളിങ് പുനരാരംഭിച്ചിരുന്നു. ഇന്ത്യ ചൈന ബന്ധത്തിൽ ഉണ്ടാകുന്ന പുരോഗതിയാണ് ഇപ്പോൾ ചർച്ചയാകുന്നത്.