പത്തനംതിട്ട: പത്തനംതിട്ട ജനറല്‍ ആശുപത്രിയിലെ കമ്പ്യൂട്ടര്‍ സോഫ്റ്റ്‌‌വെയറിലെ വിവരങ്ങള്‍ പാകിസ്ഥാന്‍ കേന്ദ്രമായ നുഴഞ്ഞുകയറ്റക്കാര്‍ ചോര്‍ത്തി. നാല് വര്‍ഷത്തെ വിവരങ്ങളാണ് നഷ്ടപ്പെട്ടത്. രോഗികളുടെ പേരും വിലാസവും രോഗവിവരവും അടങ്ങിയ സോഫ്റ്റ്‌വെയര്‍ പാകിസ്ഥാന്‍ കേന്ദ്രമായ ബിറ്റ്കോയിന്‍ എന്ന ഐ.പി വിലാസം മുഖേനയാണ് ഹാക്ക് ചെയ്തത്. വിവരങ്ങള്‍ തിരിച്ചുനല്‍കണമെങ്കില്‍ രണ്ടര ലക്ഷത്തോളം രൂപ നല്‍കണമെന്ന്‌ ആവശ്യപ്പെട്ടു. 10 ദിവസത്തിനുള്ളില്‍ പണം അയച്ചുകൊടുത്തില്ലെങ്കില്‍ വിവരം തിരിച്ചുനല്‍കില്ലെന്ന് ആശുപത്രിയിലെ കമ്പ്യൂട്ടറില്‍ ലഭിച്ച സന്ദേശത്തില്‍ കണ്ടെത്തി.
സെപ്തംബര്‍ ഒന്നിന് പുലര്‍ച്ചെ 4.40നും രണ്ടിന് ഉച്ചയ്ക്ക് ഒരുമണിക്കുമിടയിലാണ് വിവരങ്ങള്‍ ചോര്‍ത്തിയത്. ഇന്നലെ രാവിലെ ആശുപത്രി ഒ.പി വിഭാഗത്തിന്റെ കമ്പ്യൂട്ടര്‍ ഓണ്‍ ചെയ്തപ്പോഴാണ് വിവരങ്ങള്‍ നഷ്ടപ്പെട്ടതായി കണ്ടെത്തിയത്. സോഫ്റ്റ്‌വെയര്‍ തയ്യാറാക്കിയ സ്വകാര്യ ഏജന്‍സി തുടര്‍ന്ന് നടത്തിയ പരിശോധനയിലാണ് പാകിസ്ഥാന്‍ കേന്ദ്രമായ ഏജന്‍സിയാണ് വിവരങ്ങള്‍ ചോര്‍ത്തിയതെന്ന് കണ്ടെത്തിയത്. ആശുപത്രി സൂപ്രണ്ട് ഇന്‍ ചാര്‍ജ് ഡോ. സാജന്‍ മാത്യൂസ് സൈബര്‍ പൊലീസിന് പരാതി നല്‍കി.
ജില്ലാ മെഡിക്കല്‍ ഒാഫീസറെയും വീണാ ജോര്‍ജ് എം.എല്‍.എയെയും വിവരം അറിയിച്ചു.കമ്പ്യൂട്ടര്‍ സോഫ്റ്റ്‌വെയര്‍ ഹാക്ക് ചെയ്തതിലൂടെ സെപ്തംബര്‍ ഒന്നിന് പുലര്‍ച്ചെ 4.40 മുതല്‍ രണ്ടിന് ഉച്ചവരെയുള്ള ഒന്നര ദിവസത്തെ വിവരങ്ങള്‍ പൂര്‍ണമായി നഷ്ടപ്പെട്ടു. ബാക്കിയുള്ളവ ബാക്ക് ഫയലുകളായി സൂക്ഷിച്ചിട്ടുണ്ടെന്ന് ആശുപത്രി അധികൃതര്‍ പറഞ്ഞു.
സൈബര്‍ സെല്‍ വിഭാഗം നടത്തുന്ന പരിശോധനയില്‍ മാത്രമേ കൂടുതല്‍ വിവരങ്ങള്‍ നഷ്ടപ്പെട്ടോ എന്നറിയാന്‍ കഴിയൂ. സംഭവം അറിഞ്ഞ് സ്പെഷ്യല്‍ ബ്രാഞ്ച് ആശുപത്രിയിലെത്തി വിവരങ്ങള്‍ ശേഖരിച്ചു.
ആശുപത്രിയില്‍ ഒ.പി, ഐ.പി വിഭാഗങ്ങള്‍ കമ്പ്യൂട്ടര്‍വത്കരിച്ചത് 2016ലാണ്. അന്നുമുതല്‍ ഈ വര്‍ഷം ആഗസ്റ്റ് 31 വരെയുള്ള വിവരങ്ങള്‍ ബാക് ഫയലുകളായി സൂക്ഷിച്ചിട്ടുണ്ട്. വിവരങ്ങള്‍ ചോര്‍ത്തിയതുവഴി കൂടുതലായി എന്തെങ്കിലും പ്രശ്നമുണ്ടോ എന്നും പരിശോധിക്കുമെന്ന് പത്തനംതിട്ട പൊലീസ് ചീഫ് ജി. ജയദേവ് പറഞ്ഞു.
സര്‍ക്കാര്‍ ബസില്‍ വച്ച് വിദ്യാര്‍ഥിനിയോട് മോശമായി പെരുമാറിയെന്ന വീഡിയോ സോഷ്യല്‍ മീഡിയയില്‍ വ്യാപകമായി പ്രചരിച്ചതിന് പിന്നാലെ, തെലങ്കാന കോണ്‍ഗ്രസ് എംഎല്‍എ…
ദില്ലി : ഭരണത്തലവനായി 25 വര്‍ഷം തികയ്ക്കുന്ന വേളയില്‍ രാജ്യസേവനത്തിനായി പൂര്‍ണ്ണമനസ്സോടെ സമര്‍പ്പിക്കുമെന്ന പ്രതിജ്ഞ പുതുക്കി പ്രധാനമന്ത്രി നരേന്ദ്ര മോദി.…
തിരുവനന്തപുരം : സംസ്ഥാനം നേരിടുന്ന കടുത്ത വൈദ്യുതി ക്ഷാമത്തിന് ശാശ്വത പരിഹാരമെന്നോണം, വൈദ്യുതി ആവശ്യകത പരിഹരിക്കുന്നതിനും ദീര്‍ഘകാല ഊര്‍ജസുരക്ഷ ഉറപ്പാക്കുന്നതിനുമായി…
ഭരണത്തലവനെന്ന നിലയില്‍ 25 വര്‍ഷം പൂര്‍ത്തിയാക്കാനായത് ജനങ്ങളുടെ ആശിര്‍വാദം കൊണ്ടാണെന്ന് പ്രധാനമന്ത്രി നരേന്ദ്ര മോദി. 2001 ഒക്ടോബര്‍ ഏഴിന് ഗുജറാത്ത്…
ചെന്നൈ : എ.ടി.എം. കവര്‍ച്ചകള്‍ക്കായി ഹരിയാനയില്‍ പ്രത്യേക രഹസ്യ പരിശീലനകേന്ദ്രങ്ങള്‍ പ്രവര്‍ത്തിക്കുന്നതായി തമിഴ്നാട് പോലീസ് കണ്ടെത്തി. ചെന്നൈയിലും സമീപപ്രദേശങ്ങളിലും അടുത്തിടെ…
2023 ഒക്ടോബര്‍ 7-ന് പശ്ചിമേഷ്യന്‍ രാഷ്ട്രീയത്തിന്റെയും ആഗോള ചരിത്രത്തിന്റെയും ഗതി മാറ്റിയെഴുതിയ ദിനമാണ്. ഗാസ ആസ്ഥാനമായി പ്രവര്‍ത്തിക്കുന്ന ഫലസ്തീന്‍ സായുധ…