പന്തളം മഹാദേവർ ക്ഷേത്ര ഭരണ സമിതിയുടെ പന്തള ഭൂപതീയം ഭവന സമർപ്പണ പദ്ധതി ! ആദ്യ വീടിന്റെ സമർപ്പണം ഗവർണർ രാജേന്ദ്ര ആർലേക്കർ നാളെ നിർവഹിക്കും

ഭവനരഹിതർക്ക് വീട്‌ നിർമ്മിച്ച് കൈമാറുന്ന പന്തളം മഹാദേവർ ക്ഷേത്ര ഭരണ സമിതിയുടെ പന്തള ഭൂപതീയം ഭവന സമർപ്പണ പദ്ധതിയിലെ ഒന്നാമത്തെ വീടിന്റെ സമർപ്പണ ചടങ്ങ് നാളെ നടക്കും . കേരള ഗവർണർ രാജേന്ദ്ര ആർലേക്കർ നാളെ വൈകുന്നേരം 5. 30 ന് സമർപ്പണം നിർവഹിക്കും. ക്ഷേത്രത്തിൽ വച്ച് നടത്തപ്പെടുന്ന ഈ ചടങ്ങിലും തുടർന്നു നടത്തുന്ന പ്രസാദ വിതരണത്തിലും എല്ലാ സുമനസ്സുകളും പങ്കെടുക്കണമെന്ന് ക്ഷേത്ര ഭരണ സമിതി അഭ്യർത്ഥിച്ചു.

ഭഗവാനെ പ്രാർത്ഥിക്കുന്നതിന്റെ ഗുണം അവർക്ക് ആരാധനാലയത്തിൽ നിന്ന് തന്നെ ഭഗവാന്റെ പക്കൽ നിന്ന് തന്നെ ലഭിക്കണം. ക്ഷേത്ര കാണിക്കകളിൽ നിന്ന് കിട്ടുന്ന പണം അനാവശ്യമായ കാര്യങ്ങളിലൂടെ ഭരണ സമിതിയിലുള്ളവർ തന്നെ കൈക്കലാക്കുന്ന വാർത്ത പലപ്പോഴും നമ്മൾ കാണാറുണ്ട്. എന്നാൽ അതിൽനിന്ന് വ്യത്യസ്തമായ പ്രവർത്തനത്തിലൂടെ മാതൃകയാവുകയാണ് പന്തളം മഹാദേവർ ക്ഷേത്രം.