കൊച്ചി: തെക്കന് ബംഗാള് ഉള്ക്കടലില് ‘ഫാനി’ ചുഴലിക്കാറ്റ് രൂപപ്പെട്ട സാഹചര്യത്തില് ജനങ്ങള് ജില്ലാ ദുരന്ത നിവാരണ അതോറിറ്റി നല്കുന്ന നിര്ദേശങ്ങള് കര്ശനമായി പാലിക്കണമെന്ന് മുഖ്യമന്ത്രി പിണറായി വിജയന്. ചുഴലിക്കാറ്റിന്റെ സഞ്ചാരപഥത്തില് കേരളം ഉള്പ്പെടുന്നില്ലെന്നതിനാല് പരിഭ്രാന്തരാകേണ്ടതില്ലെന്നും അദ്ദേഹം പറഞ്ഞു. സംസ്ഥാനത്തെ ചില ജില്ലകളില് മഴയും കാറ്റും ശക്തിപ്പെടും എന്ന വിവരം ലഭിച്ചിട്ടുണ്ടെന്നും ജില്ലാ ദുരന്ത നിവാരണ അതോറിറ്റിക്കും കലക്ടര്മാര്ക്കും ഈ സാഹചര്യം നേരിടാന് ആവശ്യമായ നിര്ദ്ദേശങ്ങള് നല്കിയിട്ടുണ്ടെന്നും അദ്ദേഹം അറിയിച്ചു.
മുഖ്യമന്ത്രിയുടെ ഫേസ്ബുക്ക് കുറിപ്പിന്റെ പൂര്ണ്ണരൂപം
തെക്ക് കിഴക്കന് ബംഗാള് ഉള്ക്കടലില് ‘ഫാനി’ ചുഴലിക്കാറ്റ് രൂപപ്പെട്ടതായി കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചിട്ടുണ്ട്. ചുഴലിക്കാറ്റിന്റെ സഞ്ചാരപഥത്തില് കേരളം ഉള്പ്പെടുന്നില്ല. അതിനാല് ജനങ്ങള് പരിഭ്രാന്തരാകേണ്ടതില്ല.
എന്നാല് ചുഴലിക്കാറ്റ് പ്രഭാവത്തില് കേരളത്തിലെ ചില ജില്ലകളില് മഴയും കാറ്റും ശക്തിപ്പെടും എന്ന വിവരം ലഭിച്ചിട്ടുണ്ട്. ഇതിന്റെ അടിസ്ഥാനത്തില് പൊതുജനങ്ങള് സുരക്ഷയ്ക്കായി പാലിക്കേണ്ട നിര്ദ്ദേശങ്ങള് സംസ്ഥാന ദുരന്തനിവാരണ അതോറിറ്റി പ്രസിദ്ധീകരിച്ചിട്ടുണ്ട്. ജില്ലാ ദുരന്ത നിവാരണ അതോറിറ്റിക്കും കലക്ടര്മാര്ക്കും ഈ സാഹചര്യം നേരിടാന് ആവശ്യമായ നിര്ദ്ദേശങ്ങള് നല്കിയിട്ടുമുണ്ട്. തുടര്ന്നും ദുരന്ത നിവാരണ അതോറിറ്റി നല്കുന്ന നിര്ദേശങ്ങള് കര്ശനമായി പാലിക്കണമെന്നഭ്യര്ത്ഥിക്കുന്നു.
ഏപ്രില് 28 (മണിക്കൂറില് 3050 കിലോമീറ്റര് വേഗതയില്) ഏപ്രില് 29, 30 (മണിക്കൂറില് 4060 കി.മീ വരെ വേഗത്തില്) കേരളത്തില് ശക്തമായ കാറ്റ് വീശുവാന് സാധ്യത ഉണ്ട്.
കേരളത്തില് ചില സ്ഥലങ്ങളില് ഏപ്രില് 29,30 തീയതികളില് ശക്തമായ മഴയ്ക്ക് സാധ്യതയുണ്ട്. 29 /04 /2019 ന് എറണാകുളം, ഇടുക്കി, തൃശ്ശൂര്, മലപ്പുറം, വയനാട് എന്നീ ജില്ലകളില് ശക്തമായ മഴ സൂചിപ്പിക്കുന്ന യെല്ലോ അലേര്ട്ട് പ്രഖ്യാപിച്ചിട്ടുണ്ട്.
30/ 04/ 2019 ന് കോട്ടയം ,എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം , കോഴിക്കോട് , വയനാട് എന്നി ജില്ലകളില് ശക്തമായ മഴ സൂചിപ്പിക്കുന്ന യെല്ലോ അലേര്ട്ട് പ്രഖ്യാപിച്ചിരിക്കുന്നു.
ജോധ്പൂര് : ഭാരതത്തിന്റെ ഏറ്റവും വലിയ വ്യോമാഭ്യാസമായ 'തരംഗ് ശക്തി'യുടെ ഭാഗമായി തദ്ദേശീയ പ്രതിരോധ നിര്മ്മാണ കരുത്ത് ലോകരാഷ്ട്രങ്ങള്ക്ക് മുന്നില്…
നമ്മുടെ പരിസരം എത്രത്തോളം വൃത്തിയാകണമെങ്കിലും നമ്മള് സ്വയം തീരുമാനിയ്ക്കണം. വ്യക്തിശുചിത്വം പോലെ തന്നെ പ്രധാനപ്പെട്ടതാണ് പരിസര ശുചിത്വവും. ചില ആളുകള്…
കേരളത്തിന്റെ സാംസ്കാരിക രംഗത്ത് സമാനതകളില്ലാത്ത സംഭാവനകള് നല്കിയ പ്രമുഖ നാടകപ്രവര്ത്തകനും സംഘാടകനും ചലച്ചിത്രകാരനുമാണ് സൂര്യ കൃഷ്ണമൂര്ത്തി. ലോകത്തെ ഏറ്റവും വലിയ…
തിരുവനന്തപുരം : സി എം ആര് എല്-എക്സാലോജിക് സാമ്പത്തിക ഇടപാടുമായി ബന്ധപ്പെട്ട് മുന് മുഖ്യമന്ത്രി പിണറായി വിജയനും മുന്മന്ത്രി പി.എ.…
തിരുവനന്തപുരം : മലപ്പുറത്തെ മഴക്കെടുതി ബാധിത പ്രദേശങ്ങളിലേക്ക് ചാര്ട്ടേഡ് വിമാനത്തില് യാത്ര നടത്തിയതിന് പണം മുടക്കിയത് ആരെന്ന് ഇനിയും മുഖ്യമന്ത്രി…
ഒരു കാലത്ത് മലയാള സിനിമയില് മിന്നിത്തിളങ്ങിയിരുന്ന താരസഹോദരിമാരായിരുന്നു അംബികയും അനുജത്തി രാധയും. ഇരുവരും തുടര്ന്ന് 'എ.ആര്.എസ്. സ്റ്റുഡിയോസ്' എന്ന പേരില്…