പ്രധാനമന്ത്രിയ്ക്ക് അമേരിക്ക സന്ദർശിക്കാൻ ട്രമ്പിന്റെ ക്ഷണം; നിരസിച്ച് മോദി!മുൻകൂട്ടി നിശ്ചയിച്ച പരിപാടികൾ കാരണം പോകാൻ കഴിയില്ല

കാനഡയിൽ നടക്കുന്ന ജി 7 ഉച്ചകോടിക്ക് ശേഷം അമേരിക്ക സന്ദർശിക്കാൻ പ്രസിഡണ്ട് ഡൊണാൾഡ് ട്രമ്പ് ഇന്ത്യൻ പ്രധാനമന്ത്രി നരേന്ദ്രമോദിയെ ക്ഷണിച്ചു .എന്നാൽ ഈ ക്ഷണം മോദി നിരസിച്ചു.
കാനഡ പര്യടനം പൂർത്തിയാക്കിയ ശേഷം, മറ്റ് കാര്യങ്ങൾ നിറവേറ്റാനുള്ളതിനാലാണ് , യുഎസ് സന്ദർശിക്കാനുള്ള അമേരിക്കൻ പ്രസിഡന്റ് ഡൊണാൾഡ് ട്രമ്പിന്റെ ക്ഷണം പ്രധാനമന്ത്രി നരേന്ദ്ര മോദി നിരസിച്ചത് .ഇത്തവണ ട്രമ്പിന്റെ ക്ഷണം സ്വീകരിക്കാൻ തനിക്ക് കഴിയില്ലെന്ന് പ്രധാനമന്ത്രി മോദി പറഞ്ഞതായി വിദേശകാര്യ മന്ത്രാലയം അറിയിച്ചു.എന്നാൽ ഈ വർഷം അവസാനം ദില്ലിയിൽ നടക്കുന്ന ക്വാഡ് ഉച്ചകോടിയിൽ പങ്കെടുക്കാൻ പ്രധാനമന്ത്രി മോദി യുഎസ് പ്രസിഡന്റിനെ ക്ഷണിച്ചതായി വിദേശകാര്യ സെക്രട്ടറി വിക്രം മിശ്ര പറഞ്ഞു.

ക്വാഡിന്റെ അടുത്ത യോഗത്തിനായി പ്രധാനമന്ത്രി മോദി പ്രസിഡന്റ് ട്രമ്പിനെ ഇന്ത്യയിലേക്ക് ക്ഷണിച്ചു. ക്ഷണം സ്വീകരിച്ചുകൊണ്ട്, ഇന്ത്യയിലേക്ക് വരാൻ താൻ ആവേശത്തിലാണെന്ന് പ്രസിഡന്റ് ട്രമ്പ് പറഞ്ഞു.തുറന്നതും സുസ്ഥിരവും സമൃദ്ധവുമായ ഇന്തോ-പസഫിക് മേഖലയെ പിന്തുണയ്ക്കുന്നതിന് പ്രതിജ്ഞാബദ്ധമായ ഓസ്‌ട്രേലിയ, ഇന്ത്യ, ജപ്പാൻ, യുണൈറ്റഡ് സ്റ്റേറ്റ്സ് എന്നിവ തമ്മിലുള്ള നയതന്ത്ര പങ്കാളിത്തമാണ് ക്വാഡ്. അതേസമയം ജി7 ഉച്ചകോടിയിൽ പങ്കെടുക്കാൻ പ്രധാനമന്ത്രി മോദി കാനഡയിലായിരുന്നു.പ്രധാനമന്ത്രി മോദിയും പ്രസിഡന്റ് ട്രാമ്പും മുപ്പത്തിയഞ്ജ് മിനിറ്റ് ടെലിഫോണിൽ സംസാരിച്ചു. കാനഡയിൽ നടന്ന ജി7 ഉച്ചകോടിക്കിടെയായിരുന്നു ഈ സംഭാഷണം. കാനഡയിൽ നടന്ന ജി7 ഉച്ചകോടിയിൽ നേതാക്കൾ ഔപചാരിക കൂടിക്കാഴ്ച നടത്തേണ്ടതായിരുന്നു, എന്നാൽ ട്രമ്പ് നേരത്തെ പോയതിനാൽ അത് റദ്ദാക്കി.