മലപ്പുറം : ദോഹയില് നിന്നും കരിപ്പൂര് വിമാനത്താവളം വഴി കടത്താന് ശ്രമിച്ച 570 ഗ്രാം സ്വര്ണം പോലീസ് പിടികൂടി. കസ്റ്റംസിന്റെ കണ്ണ് വെട്ടിച്ച് കടത്താന് ശ്രമിച്ച സ്വര്ണ്ണമാണ് പോലീസ് പിടിച്ചെടുത്തത്. സംഭവത്തില് യാത്രക്കാരനായ താമരശ്ശേരി സ്വദേശി നിഷാദിനെ (30) പോലീസ് പിടികൂടി.
സ്വര്ണ്ണം മിശ്രിത രൂപത്തില് രണ്ട് കാപ്സ്യുളുകളാക്കി ശരീരത്തിനുള്ളില് ഒളിപ്പിച്ച് കടത്താനാണ് ഇയാള് ശ്രമിച്ചത്. .മെയ് 20 ന് വൈകുന്നേരം 8.15-ന് ദോഹയില് നിന്നെത്തിയ എയര് ഇന്ത്യ എക്സ്പ്രസ് വിമാനത്തിലെ യാത്രക്കാരനായിരുന്നു ഇയാൾ. കസ്റ്റംസ് പരിശോധനയ്ക്ക് ശേഷം വിമാനത്താവളത്തിന് പുറത്തിറങ്ങിയ ഇയാളെ മലപ്പുറം ജില്ലാ പോലീസ് മേധാവി ശ്രീ.എസ്.സുജിത് ദാസ് ഐ.പി.എസിന് ലഭിച്ച രഹസ്യ വിവരത്തിന്റെ അടിസ്ഥാനത്തില് പോലീസ് കസ്റ്റഡിയിലെടുക്കുകയായിരുന്നു.
തുടര്ച്ചയായി ചോദ്യം ചെയ്തെങ്കിലും തന്റെ കയ്യിൽ സ്വര്ണ്ണമുണ്ടെന്ന് ഇയാള് സമ്മതിച്ചില്ല. എന്നാൽ സ്വകാര്യ ആശുപത്രിയിലെത്തി വിശദമായ വൈദ്യ പരിശോധന നടത്തിയത്തോടെ വയറിനകത്ത് രണ്ട് കാപ്സ്യൂളുകള് കണ്ടുപിടിക്കുകയായിരുന്നു. പിടിച്ചെടുത്ത സ്വര്ണ്ണം കോടതിയില് സമര്പ്പിക്കും, തുടരന്വേഷണത്തിനായി വിശദമായ റിപ്പോര്ട്ട് കസ്റ്റംസിനും സമര്പ്പിക്കും.കരിപ്പൂര് വിമാനത്താവളത്തിന് പുറത്ത് വെച്ച് പോലീസ് ഈ വർഷം പിടികൂടുന്ന പതിനെട്ടാമത്തെ സ്വര്ണ്ണക്കടത്ത് കേസാണിത്.
കൊച്ചി ;കരുവന്നൂര് സഹകരണ ബാങ്ക് തട്ടിപ്പുകേസില് പ്രതികള്ക്ക് നേരിട്ടും അല്ലാതെയും കോടികളുടെ കള്ളപ്പണം വെളുപ്പിക്കലില് പങ്കുണ്ടെന്ന് എന്ഫോഴ്സ്മെന്റ് ഡയറക്ടറേറ്റ് ഹൈക്കോടതിയില്…
തിരുവിതാംകൂർ ദേവസ്വം ബോർഡ് ബോർഡ് ജീവനക്കാർക്കായി സംഘടിപ്പിച്ച ഭക്ത സുഗദം - ക്ഷേത്ര ദർശനം പരിശീലന ക്ലാസ് ആരംഭിച്ചു. മുൻജില്ലാകളക്ടറും…
ദില്ലി: ലോക അരി വിപണിയിൽ ഈ വർഷം ഭാരതം മുൻനിരയിൽ തന്നെ തുടരുമെന്ന് റിപ്പോർട്ട്. യുണൈറ്റഡ് സ്റ്റേറ്റ്സ് ഡിപ്പാർട്ട്മെൻ്റ് ഓഫ്…