ലണ്ടനിൽ പൃഥ്വി ഷാ ഫീവർ !ഇത്തവണ നേടിയത് 76 പന്തിൽ 125 റൺസ്

ലണ്ടൻ : കൗണ്ടി ക്രിക്കറ്റിൽ വമ്പനടി തുടർന്ന് ഇന്ത്യൻ താരം പൃഥ്വി ഷാ. ടൂർണമെന്റിലെ രണ്ടാം സെഞ്ചുറി കണ്ടെത്തിയ പൃഥ്വി ഷായുടെ മികവിൽ ഡെറത്തിനെതിരായ മത്സരത്തിൽ നോർതാംപ്ടൻഷർ 6 വിക്കറ്റിനു വിജയിച്ചു. 76 പന്തിൽ 125 റൺസാണ് താരം അടിച്ചെടുത്തത്. 15 ഫോറും 7 സിക്സും ഉൾപ്പെടുന്നതായിരുന്നു താരത്തിന്റെ ഇന്നിങ്സ്.

മത്സരത്തിൽ ആദ്യം ബാറ്റുചെയ്ത ഡെറം 198 റൺസാണ് നേടിയത്. നോർതാംപ്ടൻഷറിന്റെ ഓപ്പണറായി ഇറങ്ങിയ പൃഥ്വി ഷാ ഇറങ്ങി തുടക്കം മുതൽ അക്രമിച്ചു കളിക്കുകയായിരുന്നു. ലിസ്റ്റ് എ ക്രിക്കറ്റില്‍ തന്റെ 10–ാം ശതകമാണ് താരം മത്സരത്തിൽ കണ്ടെത്തിയത്. കഴിഞ്ഞയാഴ്ച സോമർസെറ്റിനെതിരായ മത്സരത്തിൽ പൃഥ്വി ഇരട്ട സെഞ്ചറി (244) നേടിയിരുന്നു.