ഖുറാൻ വായിക്കേണ്ടത് സർവകലാശാലകളിലല്ല ! അതൊക്കെ വീട്ടിൽ….. ബംഗ്ലാദേശിലെ ഇസ്ലാമിസ്റ്റുകൾക്കെതിരെ രൂക്ഷ വിമർശനവുമായി ചരിത്രകാരൻ ഇർഫാൻ ഹബീബ്

ദില്ലി : മതഗ്രന്ഥങ്ങൾ പാരായണം ചെയ്യേണ്ടത് വീടുകളിലാണെന്നും സർവകലാശാലകളിലല്ലെന്നും ചരിത്രകാരൻ ഇർഫാൻ ഹബീബ്. ഖുറാൻ പാരായണം തടഞ്ഞെന്നാരോപിച്ച് ധാക്ക സർവകലാശാലയിലെ ഡീൻ പ്രൊഫസർ അബ്ദുൾ ബഷീറിനെ കൊണ്ട് ഇസ്ലാമിസ്റ്റുകൾ രാജി വയ്പ്പിച്ചിരുന്നു. പിന്നാലെ ഇതിന്റെ ദൃശ്യങ്ങളും സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്. ഇത് പങ്ക് വച്ചാണ് ഇർഫാൻ ഹബീബിന്റെ പ്രതികരണം.

ധാക്ക സർവ്വകലാശാലയിലെ ഡീനായിരുന്ന ഡീൻ പ്രൊഫസർ അബ്ദുൾ ബഷീർ വിദ്യാർത്ഥികളെ പരസ്യമായി ഖുറാൻ പാരായണം ചെയ്യാൻ അനുവദിച്ചിരുന്നില്ല. ഇന്ന് വിദ്യാർത്ഥികൾ അദ്ദേഹത്തിന്റെ ഓഫീസിൽ ഖുറാൻ പാരായണം ചെയ്യുകയും രാജിവെക്കാൻ നിർബന്ധിക്കുകയും ചെയ്തു. കാവ്യനീതി! എന്നാണ് ഇസ്ലാമിസ്റ്റുകളുടെ വീഡീയോയ്‌ക്കൊപ്പം വന്ന കുറിപ്പ്. ഇതിന് മറുപടിയായി എന്തിന് ഏതെങ്കിലും സർവകലാശാലയിൽ മതഗ്രന്ഥത്തിന്റെ പാരായണം നടത്തണം ? വീട്ടിൽ പാരായണം ചെയ്യുക, ഒരു സർവകലാശാലയിൽ നിങ്ങൾ ചെയ്യേണ്ടത് വന്ന് ചെയ്യേണ്ടത് പഠിക്കുക എന്നതാണെന്നാണ് ഇർഫാൻ ഹബീബ് കുറിച്ചത്.