വയനാട്ടിലെ റോഡ് ഉദ്ഘാടന ചടങ്ങില്‍ രാഹുല്‍ ഗാന്ധി പങ്കെടുക്കില്ല: അസൗകര്യം അറിയിച്ച് എംഎല്‍എക്ക് കത്തയച്ചു

വയനാട്: വയനാട് മണ്ഡലത്തിൽ മന്ത്രി ജി സു​ധാ​ക​രൻ ഉ​ദ്ഘാ​ട​ക​നാ​കു​ന്ന റോഡ് ഉദ്ഘാടന ചടങ്ങില്‍ പങ്കെടുക്കാനാനില്ലെന്ന് രാഹുൽ ഗാന്ധി എംപി. ഇക്കാര്യം വ്യക്തമാക്കി രാഹുല്‍ വയനാട് എംഎൽഎ ജോർജ് എം തോമസിന് കത്തയച്ചു. അഗസ്ത്യൻമുനി-കുന്ദമംഗലം റോഡിന്‍റെയും നവീകരിച്ച വയനാട് ചുരത്തിന്‍റെയും ഉദ്ഘാടനത്തിന് എംഎൽഎ വയനാട് എംപി കൂടിയായ രാഹുൽ ഗാന്ധിയെ ക്ഷണിച്ചിരുന്നു. ​ഇതിനാണ് ഇപ്പോള്‍ രാഹുല്‍ അസൗകര്യം അറിയിച്ചിരിക്കുന്നത്.

മന്ത്രി ജി സു​ധാ​ക​രൻ ഉ​ദ്ഘാ​ട​ക​നാ​കു​ന്ന ച​ട​ങ്ങി​ൽ മു​ഖ്യാ​തി​ഥി​യാ​യി രാ​ഹു​ൽ ഗാ​ന്ധിയെ ഉൾപ്പെടുത്തി ഫ്ലക്സ് ബോര്‍ഡുകള്‍ സ്ഥാപിച്ചിരുന്നു.കോൺഗ്രസ് അധ്യക്ഷ സ്ഥാനം രാജി വച്ചതോടെ രാഹുൽ ഗാന്ധി വയനാടിന്‍റെ എംപി മാത്രമാണ്. ലോക്സഭാ തിരഞ്ഞെടുപ്പില്‍ പ്രധാന പ്രതിപക്ഷ പാര്‍ട്ടിയുടെ പ്രധാനമന്ത്രി സ്ഥാനാർത്ഥിയായിരുന്ന രാഹുലിനെ റോഡ് ഉല്‍ഘടന ചടങ്ങില്‍ മുഖ്യാതിഥിയാക്കിയ ഫ്ലക്സ് ബോര്‍ഡുകള്‍ സമൂഹമാധ്യമങ്ങളില്‍ ട്രോള്‍ മഴ പെയ്യിച്ചിരുന്നു.

ഫ്ലക്സ് ട്രോളുകള്‍ വൈറലായതോടെ അനുമതിയില്ലാതെ രാഹുൽ ഗാന്ധിയുടെ പേരും ചിത്രവും ഉപയോഗിച്ച് ഫ്ലക്സ് ബോർഡ് സ്ഥാപിചെന്ന ആരോപണവുമായി കോണ്‍ഗ്രസും രംഗത്തെത്തി. ഫ്ലക്സ് രാഹുലിനെ പരിഹാസ്യനാക്കാന്‍ തയ്യാറാക്കിയതാണെന്നും ഫ്ലെക്സിന് പിന്നില്‍ സിപിഎം കേന്ദ്രങ്ങളാണെന്നുമാണ് പ്രാദേശിക കോണ്‍ഗ്രസ് നേതൃത്വം ആരോപിക്കുന്നത്.