ടെന്നീസ് ഇതിഹാസം റോജർ ഫെഡറർ വിരമിക്കുന്നു വിവരം പങ്ക് വെച്ചത് ട്വിറ്ററിലൂടെ

24 വർഷത്തെ കരിയറിന് ശേഷം ടെന്നീസ് ഇതിഹാസം റോജർ ഫെഡറർ വ്യാഴാഴ്ച്ച കായികരംഗത്ത് നിന്ന് വിരമിക്കുന്നതായി ട്വിറ്ററിൽ താരം ട്വിറ്ററിൽ അറിയിച്ചു.

അടുത്തയാഴ്ച്ച ലണ്ടനിൽ നടക്കുന്ന ലാവർ കപ്പ് തന്റെ അവസാന എടിപി ഇവന്റായിരിക്കുമെന്ന് ഫെഡറർ പറഞ്ഞു. ഒന്നിലധികം പരിക്കുകളും ശസ്ത്രക്രിയകളും അഭിമുഖീകരിച്ചിട്ടുള്ള അദ്ദേഹം തന്റെ “ശരീരത്തിന് കഴിവുകളും പരിമിതികളും” ഉണ്ടെന്ന് പറയുന്നു.

തുടർച്ചയായി ഏറ്റവുമധികം ആഴ്‌ച്ചകളിൽ ഒന്നാം സ്ഥാനത്തെത്തിയ റെക്കോർഡും ഒന്നാം റാങ്കിലെ ഏറ്റവും പ്രായം കൂടിയ കളിക്കാരനെന്ന റെക്കോർഡും അദ്ദേഹം സ്വന്തമാക്കി. 20 തവണ ഗ്രാൻഡ്സ്ലാം ചാമ്പ്യനാണ് 41-കാരൻ.

“ഇതൊരു കയ്പ്പേറിയ തീരുമാനമാണ്, കാരണം ടൂർണമെന്റ് എനിക്ക് നൽകിയതെല്ലാം എനിക്ക് നഷ്ടമാകും,” ഫെഡറർ എഴുതി. “എന്നാൽ, അതേ സമയം, ആഘോഷിക്കാൻ വളരെയധികം കാര്യങ്ങളുണ്ട്. ഭൂമിയിലെ ഏറ്റവും ഭാഗ്യവാനായ ആളുകളിൽ ഒരാളായി ഞാൻ എന്നെ കരുതുന്നു.”

വികാരഭരിതമായ കത്തിൽ ഭാര്യ മിർക്കയ്ക്കും മാതാപിതാക്കൾക്കും സഹോദരിക്കും നന്ദി പറഞ്ഞു. 130 മില്യൺ ഡോളറിലധികം വരുമാനമാണ് കരിയറിൽ നിന്ന് ഫെഡറർക്കുള്ളത്. വിൽസൺ, റോളക്‌സ്, മെഴ്‌സിഡസ് ബെൻസ്, യുണിക്ലോ, മൊയ്റ്റ് ഹെന്നസി, ക്രെഡിറ്റ് സ്യൂസ് എന്നിവരും അദ്ദേഹത്തിന്റെ സ്‌പോൺസർമാരാണ്.

വിരമിക്കലിന് ശേഷമുള്ള തന്റെ പദ്ധതികളെക്കുറിച്ച് ഫെഡറർ പറഞ്ഞില്ല