മുഖ്യമന്ത്രി പിണറായി വിജയന്റെ മുൻ പൊളിറ്റിക്കൽ സെക്രട്ടറി പുത്തലത്ത് ദിനേശന് 12,090 രൂപ പെൻഷൻ; 2.88 ലക്ഷം ഗ്രാറ്റുവിറ്റി; 6.44 ലക്ഷം പെൻഷൻ കമ്യൂട്ടേഷൻ ; സംസ്ഥാന സർക്കാർ ഉത്തരവിറക്കി

തിരുവനന്തപുരം : മുഖ്യമന്ത്രി പിണറായി വിജയന്റെ മുൻ പൊളിറ്റിക്കൽ സെക്രട്ടറി പുത്തലത്ത് ദിനേശന് 12,090 രൂപ പ്രതിമാസ പെൻഷനും 2.88 ലക്ഷം ഗ്രാറ്റുവിറ്റിയായും 6.44 ലക്ഷം പെൻഷൻ കമ്യൂട്ടേഷനായും അനുവദിച്ച് സംസ്ഥാന സർക്കാർ ഉത്തരവിറക്കി. ഒന്നാം പിണറായി സർക്കാരിന്റെ കാലത്തേതുൾപ്പടെ ആറു വർഷം സേവന കാലയളവായി കണക്കിലെടുത്താണ് ഉത്തരവ് പുറത്തിറങ്ങിയിരിക്കുന്നത്. . ഇക്കഴിഞ്ഞ ബുധനാഴ്ചയാണ് ഉത്തരവിറങ്ങിയത്.

2016 ജൂൺ മുതൽ 2022 ഏപ്രിൽ വരെയായിരുന്നു പുത്തലത്ത് ദിനേശൻ മുഖ്യമന്ത്രിയുടെ പൊളിറ്റിക്കൽ സെക്രട്ടറിയായി ജോലി ചെയ്തിരുന്നത്. 1,30,000 രൂപയായിരുന്നു അന്ന് ലഭിച്ചിരുന്ന ശമ്പളം. ആറു വർഷം ജോലി ചെയ്ത വകയിൽ ടെർമിനൽ സറണ്ടറായി 7,80,000 രൂപ ലഭിക്കുന്നതിനും പുത്തലത്ത് ദിനേശന് അർഹതയുണ്ട്. എന്നാൽ ഇക്കാര്യം ഉത്തരവിൽ സൂചിപ്പിച്ചിട്ടില്ല.