അധ്യാപക ദിനത്തില്‍ ഗുരുനാഥന്‍ രമാകാന്ത് അച്ഛരേക്കറെ ഓര്‍മ്മിച്ച് സച്ചിന്‍ ടെണ്ടുല്‍ക്കര്‍

മുംബൈ: അധ്യാപക ദിനത്തിൽ പ്രിയപ്പെട്ട ഗുരു രമാകാന്ത് അച്ഛരേക്കറെ ഓർമിച്ച് ക്രിക്കറ്റ് ഇതിഹാസം സച്ചിൻ ടെണ്ടുൽക്കർ. ജീവിതത്തിലും ക്രിക്കറ്റിലും വഴികാട്ടിയായത് അച്ഛരേക്കറാണെന്ന് സച്ചിൻ ട്വീറ്റ് ചെയ്തു. അച്ഛരേക്കറുടെ ഒപ്പം നിൽക്കുന്ന ഒരു ചിത്രവും സച്ചിൻ ടെണ്ടുല്‍ക്കര്‍ പങ്കുവെച്ചിട്ടുണ്ട്.

“അധ്യാപകർ വിദ്യാഭ്യാസം നൽകുക മാത്രമല്ല ചെയ്യുന്നത്, വരും തലമുറയ്ക്ക് മൂല്യങ്ങൾ കൈമാറുന്നതും അവരാണ്. ക്രിക്കറ്റിലും ജീവിതത്തിലും നേരെ നിന്ന് കളിക്കാൻ അച്ഛരേക്കർ സാർ എന്നെ പഠിപ്പിച്ചു. എന്റെ ജീവിതത്തിൽ അദ്ദേഹം പകർന്നു തന്ന വില മതിക്കാനാവാത്ത സംഭാവനകളോട് എക്കാലത്തും ഞാൻ കടപ്പെട്ടിരിക്കുന്നു. ഇന്നും അദ്ദേഹം പഠിപ്പിച്ച് തന്ന പാഠങ്ങളാണ് എന്നെ മുന്നോട്ട് നയിക്കുന്നത്,” സച്ചിൻ ടെണ്ടുല്‍ക്കര്‍ ട്വിറ്ററിൽ കുറിച്ചു.