വംഗനാട്ടിലും കാവിക്കൊടി; മധുരം വിതരണം ചെയ്തും പൂക്കളാൽ അലങ്കരിച്ചും ബിജെപി ആസ്ഥാനത്ത് ആഘോഷം

​ന്യൂഡൽഹി: പശ്ചിമ ബംഗാളിൽ ബിജെപി കരുത്താർജ്ജിക്കുന്നതിന്റെ തെളിവായി വംഗനാട്ടിലും കാവിക്കൊടി ഉയർന്നു. ഈ വിജയലഹരിയിൽ ബിജെപി ആസ്ഥാനത്ത് വലിയ തോതിലുള്ള ആഘോഷങ്ങളാണ് സംഘടിപ്പിച്ചിരിക്കുന്നത്. രാവിലെ മുതൽ തന്നെ പ്രവർത്തകരുടെ തിരക്കേറിയ ആഘോഷങ്ങൾക്കിടയിൽ 500 കിലോഗ്രാം ലഡ്ഡുവും , ജിലേബിയും വിതരണം ചെയ്തു. അടുത്ത കാലത്തായി ബിജെപിയുടെ ആഘോഷങ്ങളിലെ പ്രധാന വിഭവമായി പൂരിയും മാറിയിട്ടുണ്ട്.

​ആഘോഷങ്ങൾക്ക് മിഴിവേകാൻ ഡൽഹി, കൊൽക്കത്ത, ബെംഗളൂരു തുടങ്ങിയ നഗരങ്ങളിൽ നിന്ന് വൻതോതിൽ റോസാപ്പൂക്കൾ, ജമന്തി,എന്നിവയും എത്തിച്ചിട്ടുണ്ട്. നിലവിലെ വോട്ടെണ്ണൽ സൂചനകൾ പ്രകാരം പശ്ചിമ ബംഗാളിൽ മുഖ്യമന്ത്രി മമത ബാനർജി പിന്നിലാണ്. സംസ്ഥാനത്ത് 116 സീറ്റുകളിൽ ബിജെപി മുന്നേറുന്നു .

​അതേസമയം, അസമിലും ബിജെപി ആധിപത്യം തുടരുന്ന കാഴ്ചയാണ് കാണുന്നത്. ജലുക്ബാരി നിയമസഭാ മണ്ഡലത്തിലെ സ്ഥാനാർത്ഥിയായ മുഖ്യമന്ത്രി ഹിമന്ത ബിശ്വ ശർമ്മ വലിയ മുന്നേറ്റമാണ് കാഴ്ചവെക്കുന്നത്. ആദ്യഫല സൂചനകൾ പ്രകാരം അസമിൽ ബിജെപി ഭൂരിപക്ഷം ഉറപ്പിക്കുമ്പോൾ, കോൺഗ്രസ് 19 സീറ്റുകളുമായി രണ്ടാം സ്ഥാനത്താണ് തുടരുന്നത്.